Հարություն Փամբուկյան. “ՀՀԿ պարտադրված է գնալ ինքնամաքրման”

28 05 2009

harutyun

Դիանա Մ.-Ի՞նչ նպատակով է Հանրապետական կուսակցությունը մասնակցում քաղաքապետի ընտրություններին եւ ինչո՞ւ եք ուզում վերցնել քաղաքապետի պաշտոնը:

Մենք չենք ուզում վերցնել քաղաքապետի պաշտոնը, մենք այն ունենք արդեն իսկ: Բնականաբար Հանրապետական կուսակցությունը որպես իշխող կուսակցություն եւ 2008 թվականի խորհրդարանական ընտրություններում բացարձակ մեծամասնություն ստացած կուսակցություն պետք է մասնակցեր այս ընտրություններին եւ նպատակը մեկն է. հաղթել այս ընտրություններում: Կարծում եմ բոլորին էլ հասկանալի է, որ մեր կուսակցությունը բոլոր նախադրյալները ունի այս ընտրություններում հաղթելու համար: Դա է վկայում թե ներկայիս անցկացված սոցհարցումները, թե ընտրողների տրամադրվածությունը, որ մենք զգում ենք:

Դիանա Մ.-Հաղթել որ ի՞նչ… Ի՞նչ փոխել, ի՞նչ անել:

Նախորդ 5 տարիների ընթացքում Հանրապետական կուսակցության ներկայացուցիչն էր ղեկավարում քաղաքապետարանը եւ կարծում եմ, որ բոլորս էլ կարող ենք փաստել` լուրջ փոփոխություններ են կատարվել Երեւանում: Համամիտ եմ այն քննադատությունների հետ, որ եղել են նաեւ թերություններ, բայց մեծ հաշվով բավականին լուրջ շինարարական աշխատանքներ են կատարվել. կառուցվել են նոր մայրուղիներ, կամուրջներ, ասֆալտապատման լուրջ ծրագրեր է իրականացվել, պատրաստվեց ճապոնական ընկերության հետ համատեղ Նուբարաշենի աղբահանման հետ կապված պայմանագիրը, որը ծրագրվեց արդեն ներկայիս քաղաքապետ Գագիկ Բեգլարյանի կողմից: Այնպես որ ծրագրերը բավականին մեծ են եւ նախատեսված են 2009-13 թվականների համար:

Դիանա Մ.-Պարոն Փամբուկյան, ձեր քարոզարշավի ընթացքում խոսվում է հիմնականում թերությունների մասին, ի՞նչն էր խանգարում բարեփոխումները իրականացնել ամբողջ ծավալով, ոչ թե այսօր խոսել ծառահատումներից:

Ես հարցադրման հետ համաձայն չեմ: Մենք ոչ թե քննադատում ենք նախորդ շրջանը, ճիշտ հակառակը: Ես քիչ առաջ հենց գովաբանում էի նախորդ շրջանում կատարված աշխատանքները:

Դիանա Մ.-Դա դուք, իսկ քարոզարշավի ընթացքում թերեւս պոպուլիստական նկատառումներով մարդկանց հետ հանդիպումների ժամանակ խոսվում է թերությունների մասին:

Թերացումներ իհարկե կան: Ով է ասում, որ չկան, չենք ժխտում: Ուղղակի այստեղ շեշտադրման փոփոխություն է տեղի ունենում: Եթե նախորդ 5 տարիների ընթացքում հիմնական շեշտադրումը եղել է կենտրոնական մայրուղիների վրա, այժմ շեշտադրումը տեղափոխվում է դեպի բնակիչը, դեպի բակ եւ դուք նախորդ 2-3 ամիսների ընթացքում տեսաք, որ նոր քաղաքապետի շեշտադրումները փոխվեցին եւ փոխվեցին ոչ թե ինքնանպատակ, այլ նախորդ ծրագրերը համարում ենք կատարված եւ նոր ծրագրի շրջանակներում շեշտադրումը դրված է նույն բակային ասֆալտապատմանը, բակային լուսավորության խնդիրներին, ինչպես նաեւ շատ լուրջ ուշադրություն դարձվեց կանաչապատմանը: Ես ձեզ հավաստիացնում եմ, որ այդ առումով Երեւանը մեկ տարի հետո կլինի անճանաչելի շատ գեղեցիկ գազոններով, ծաղիկներով քաղաք:

Բլանշ-Պարոն Փամբուկյան, մեր ընթերցողներին հետաքրքրում է` ինչու է համամասնական ցուցակը գլխավորելու համար ընտրվել Գագիկ Բեգլարյանը: Եվ մեջբերեմ “Ընտրողի” հարցից. “Կուսակցությունը, կարծում եմ, շատ ավելի ներկայանալի եւ քիչ խոցելի ու փորձառու գործիչներ ունի, քան մականունավոր ու քաղաքական որոշումների կայացման հարցում դելետանտ ձեր ներկայիս թեկնածուն: Գագիկ Բեգլարյանի ընտրությունը պայմանավորվա՞ծ է արդյոք վերեւներից հրաման իջեցված լինելու հետ: Դուք անձամբ մասնակցե՞լ եք այդ որոշման կայացմանը: Այլ թեկնածուություններ քննարկվե՞լ են:

Սկսեմ վերջից: Այո, անձամբ ես մասնակցել եմ քննարկմանը: Ինչ վերավերբում է հարցի սկզբին, ապա դա ձեր անձնական կարծիքն է: Գագիկ Բեգլարյանի ընտրության ժամանակ հաշվի է առնվել նրա շուրջ 7 տարի Կենտրոն համայնքում ղեկավար աշխատած: Անձնավորություն, որը մեծ հաշվով կարողացել է բավարարել բնակիչների սպասումները: Ինչպես նաեւ նրա նշանակմամբ փաստվեց, որ բավարարել է երկրի ղեկավարության սպասումները: Ցուցակի երկրորդ համարում է ընտրվել Տարոն Մարգարյանը, մեկ այլ թաղապետ եւ երրորդ համարն է անվանի ճարտարապետ Հրաչյա Պողոսյանը: Սրանով մենք ցանկացել ենք շեշտադրել, որ որպես քաղաքային իշխանության ղեկավարներ մենք տեսնում ենք այն մարդկանց, ովքեր ունեն լուրջ գործառություն այդ ոլորտում: Սա է եղել որոշման կայացման հիմքը:

Դիանա Մ.-Թերեւս հարցի շարունակությունը: Այ ձեր ասածը եւ քարոզարշավի ընթացքում ճարտարապետ Լեւոն Իգիթյանի ասածը տրամագծորեն հակասում են իրար: Նա ասաց ես զզվում եմ Երեւանից, բառացիորեն մեջբերում եմ, այն կենտրոնից, որը դուք գովերգում եք: Ի՞նչն էր խանգարում ավելի վստահաբար ներկայանալ ընտրողին եւ ավելի լավ թեկնածուով ներկայանալ, նու ասենք Տարոն Մարգարյանով, ով ավելի մեծ հեղինակություն ունի Ավան համայնքում:

Դա ձեր կարծիքն է վերջին հաշվով: Ինչ վերաբվերվում է Լեւոն Իգիթյանի հայտարարությանը, անկեղծ ասած ես նման հայտարարություն չեմ լսել, բայց հիմք չունեմ չհավատալու ձեզ: Չգիտեմ Լեւոն Իգիթյանը դրանով ինչ է ուզեցել ասել, բայց կարծում եմ այստեղ ճարտարապետական ճաշակի որոշակի տարբերությունն է ի նկատի ունեցել:

Դիանա Մ.-Այսինքն դուք գո՞հ եք այսօր Երեւանի կենտրոնի վիճակից եւ նրա ղեկավարումից:

Այո, ես այդ 7 տարիներին եղել եմ Երեւանի կենտրոնի բնակիչ, ընդհամենը 3 ամիս է, ինչ Կենտրոն համայնքի բնակիչ չեմ, վերադարձել եմ իմ համայնք, Աջափնյակ: Դե տուն եմ կառուցել եւ տեղափոխվել եմ:

Բլանշ-Պարոն Փամբուկյան, մեր ընթերցողները ունեն նաեւ Հանրապետական կուսակցությանը վերաբերվող ընդհանուր հարցեր: Սեւակ Մարտիրոսյանը գրում է, որ ՀՀԿ-ն այսօր ասոցացվում է ջիպերով ման եկող եւ սանձարձակություններ թույլ տվող գողական իշխանավորի հետ ու, իր սուբյեկտիվ դիտարկմամբ, ՀՀԿ գնում են բացառապես իշխանությանը շուտ հասնելու համար: Ապա նշում է, որ սանձարձակություններ իրենց թույլ են տալիս մանր պաշտոնյաները: Հարցնում է`ինչո՞ւ է այդպես: Գրում է, որ հավատացած է, որ կուսակցության ղեկավար մարմինները այդպես իրենց չեն պահի, բայց ամեն մի համայնատիրության ՀՀԿ-ական մանր պաշտոնյա գցում է ՀՀԿ-ի անունը: Տեղյա՞կ ես այս ամենից եւ քայլեր ձեռնարկո՞ւմ եք, թե ոչ:

Իհարկե տեղյակ ենք, իհարկե քայլեր ձեռնարկում ենք, իհարկե դա անխուսափելի պրոբլեմ է ցանկացած իշխող կուսակցության համար, լինի դա հանրապետական, լինի դա Հայաստանում, թե այլ երկրում: Դա իսկապես այդպես է: Կան պատեհապաշտների մի լուրջ շրջանակ, որոնք, ինչպես նշեցիք, հայտնվում են շարքերում, որպեսզի արագ կարիերա ստեղծեն, հասնեն ինչ-որ պաշտոնների եւ այլն եւ այլն: Դրանք հիմնականում կոմպլեքսավորված անձնավորություններ են, որոնք ցուցադրման կարիք ունեն եւ բնականաբար, ինչպես ցանկացած երկրում իշխող կուսակցությունները, Հանրապետական կուսակցությունը եւս պարտադրված է գնալ ինքնամաքրման` մաքսիմում ձերբազատվելով նման մարդկանցից: Ասեմ, որ իսկապես, եւ կուսակցության բարձրագույն ղեկավարությունը եւ երկրի բարձրագույն ղեկավարությունը իմանալով նման տհաճ բաների մասին, անմիջապես ձեռք է առնում համապատասխան քայլեր եւ կան բավականին շատ թվով դեպքեր, երբ պատժվել են նման մարդիկ:

Դիանա Մ.-Պարոն Փամբուկյան, քարոզաշավի հենց սկզբից 2 միջադեպ գրանցվեց իշխանական երկու կուսակցությունների` ՀՀԿ-ԲՀԿ միջեւ: Այդ միջադեպերի մասնակիցները պատժվե՞լ են:

Գիտեք, միջադեպերը, որոնք արծարծվել են մամուլում, հատկապես ընդդիմադիր, պարզապես չեն համապատասխանում իրականությանը: Օրինակ` Աջափնյակի հետ կապված միջադեպը: Ես եղել եմ այնտեղ եւ երբ հաջորդ օրը մամուլում կարդում էի, պարզապես ծիծաղս գալիս էր: Խառնած էր իրար ամեն ինչը. ով ում տղան է, ով ում բարեկամն է, ամբողջապես ճոխացրած, չափազանցածված: Եթե դուք ուզում եք, որ ես հիմա դա մեկնաբանեմ, կարող եմ նորից ծիծաղով մեկնաբանել: Այո, եղել են շուրջ երկու անախորժ միջադեպեր, ոչ մի լուրջ բան, կարող եմ վստահաբար ասել: Մեկ դեպք կանխվել է ոստիկանության ուժերի կողմից, որեւիցե լուրջ բան չի եղել իսկապես:

Բլանշ-Պարոն Փամբուկյան, քանի որ խոսքը գնաց ՀՀԿ-ԲՀԿ հարաբերակցության մասին, մեր ընթերցողներից մեկը/ku-ku/ գրում է, որ իր շրջապատի մարդիկ բոլորը քարոզում եւ աշխատում են ԲՀԿ-ի օգտին, ընդ որում նույն մարդիկ, ովքեր անցյալ տարի ՀՀԿ-ի համար էին աշխատում: Գրում է, որ ըստ այդ մարդկանց, ՀՀԿ-ն վերջացել է: Ինչպե՞ս դա կբացատրեք:

Դա “աբիժնիկների” մասա է Հանրապետական կուսակցությունից: Իսկ թե ինչ են ասում, ես պարզապես ցանկություն չունեմ մեկնաբանելու:

Բլանշ-Բայց այդպիսի դրսեւորումներից, որպես այդպիսին, տեղյակ եք:

Իհարկե տեղյակ եմ:

Դիանա Մ.-Պարոն Փամբուկյան, գաղտնիք չէ, որ ազատ, արդար ընտրությունների անցկացման պատասխանատուն իշխանությունն է, սակայն արդեն 10 տարի է տեղական եւ միջազգային դիտորդները այդ ընտրությունները համարում են ոչ արդար, ոչ ազատ եւ բոլոր այդ ընտրություններում ՀՀԿ-ն հաղթել է: Այս անգամ գոնե ի՞նչ է արվելու, որ պատկերը չկրկնվի:

Սկսեմ այն դիտարկումից, որ բացարձակ համամիտ չեմ ձեզ հետ: Նման բան պարզապես գոյություն չունի, դա ձեր ֆանտազիայի արդյունքն է: Եթե ձեզ հետաքրքիր է, ես կարող եմ ներկայացնել նույն միջազգային դիտորդների կարծիքները այս 10 տարվա ընթացքում մի շարք ընտրությունների վերաբերյալ, որոնք այդ ընտրությունները արդար եւ թափանցիկ են համարել: Եթե դուք կարծում եք, որ իդեալական ընտրություններ են անցկացվում այլ երկրներում, դուք չարաչար սխալվում եք: Այստեղ կարծում եմ կարեւոր է այն դինամիկան, որ պահպանվում է ընտրություններից ընտրություններ:

Դիանա Մ.-Մեր հանրության 50 տոկոսը, կոպիտ հաշվարկով, աղքատ է ապրում, ինչպե՞ս կարող է 50 տոկոսից ավելին ընտրել այն կուսակցությանը, որը պատասխանատու է իր այդ ապրելակերպի համար:

Նախ 50 տոկոսը աղքատ չէ: Վերջին հաշվով արդարությունը տնտեսական կատեգորիա է, որը չեմ ուզում հիմա բարդացնել, բացատրել, թե ինչ է նկանակում լինել աղքատ: Ավելին ասեմ, եթե հիշում եք, մենք արդեն 2-3 տարի է, ինչ դուրս ենք եկել աղքատ երկրների շարքից: Դուրս ենք եկել իր բոլոր հետեւանքներով հանդերձ: Կան մարդիկ, ովքեր գուցե այնքան էլ լավ չեն ապրում, բայց կայունության կողմնակից են: Հաջորդ հանգամանքը վերջին հաշվով ընտրողների ակտիվության հետ է կապված:Կարող է 70 տոկոսը չուզենա մեկին եւ դա չի նշանակում, որ դու ընտրություններում կհաղթես, մասնակցության հետ կապված խնդիրներ կան եւ այլն եւ այլն: Այլապես ելնելով ձեր տրամաբանությունից ցանկացած ընտրության իշխանությունը պիտի պարտվի:

Բլանշ-Դուք որպես ՀՀԿ շտաբի պետ պատրա՞ստ եք ասելու ի լուր բոլորի, որ կեղծիքներ չեն լինելու, Հանրապետական կուսակցությունը չի հանդուրժելու կեղծիքները:

Այո, ես պատրաստ եմ ասելու, որ ընտրություններին կեղծիքներ չի լինելու: Ավելին, ես կարող եմ հայտարարել, որ Հանրապետական կուսակցությունը ընտրությունները կեղծելու ոչ ցանկություն ունի, ոչ կարիք եւ ոչ էլ հնարավորություն: Եթե հիշում եք` նույն քարոզարշավի շրջանակներում շուրջ 3 շաբաթ է, ինչ մեր ընդդիմությունը հայտարարում է, որ սա մայրաքաղաքն է եւ իշխանությունները այստեղ ընտրությունները կեղծելու հնարավորություն չունեն: Իրենք էին շեշտում եւ վերջին 3 օրը չգիտես ինչու շեշտում են, որ կեղվելու են ընտրությունները: Տրամաբանությունը որտեղ է, չգիտենք: Ինչու չունենք կարիք, որովհետեւ մենք համոզված ենք, որ առանց որեւիցե այլեւայլության մեր կուսակցությունը հաղթելու է: Ավելին ասեմ, ես համոզված եմ, որ այս ամենում համոզված են նաեւ բոլորը:

Բլանշ-Մեր ընթերցողներից մեկը, ով ապրում է Նոր Նորքում, գրում է, որ իրենց կողմերում ՀՀԿ-ն ոչ մի բուկլետ չի բաժանել, ոչ մի պաստառ չի փակցրել, չնայած հեռուստատեսությամբ շատ են գովազդում: Գրում է, որ լսել է`գումարները պահել եք բաժանելու համար: Հարցնում է` այդպե՞ս է արդյոք եւ ինչքա՞ն եք տալու:

Ուզում եմ հիասթափեցնել հարցը տվողին: Մենք ոչ մեկին չենք պատրաստվում որեւէ բան: Ինչ վերաբերվում է բուկլետներին, բուկլետներ բաժանել ենք, կուզենայի ճշտել հասցեն, որ պարզեմ ինչու չի հասել: Ինչ վերաբերվում է նախընտրական գովազդային պաստառներին, ի սկզբանե մեր կողմից այս ընտրություններին հայտարարվեց մաքուր Երեւան սկզբունքը եւ այդ սկզբունքի շրջանակներում մենք որոշեցինք որեւէ տեղ, խանութների ցուցափեղկերին, շենքերի պատերին չփակցնել որեւէ պաստառներ, ավելին, այսօր ուզում եմ պազրապես հայտարարել, ընտրությանը մնացել է 2-3 օր, որ ՀՀԿ-ն միակ կուսակցությունն է, որը պահպանեց այն, ինչ հայտարարեց: Մեր գովազդային պաստառները փակցված են միայն օրենքով սահմանված վայրերում:

Բլանշ-Լավ, իսկ ինչպես եք գնահատում քարոզարշավը, որը իրոք արդեն ավարտվում է: Բացի վերոնշվածներից, այլ միջադեպեր կայի՞ն, թե՞ ոչ, արդյունավե՞տ էր այն ՀՀԿ-ի համար, թե՞ ոչ:

Ի ուրախություն մեզ բոլորիս, ընդհամենը եզակի անախորժ դեպքեր են եղել: Սկզբունքորեն ես որպես շտաբի պետ գոհ եմ, այն անցնում էր կոռեկտության սահմաններում: Չգիտեմ ինչու վերջին օրերին ագրեսիվություն է նկատվում, բայց ընդհանուր առմամբ անցնում էր ամեն ինչ կոռեկտության սահմաններում: PR-ի սեւ տեխնոլոգիաների կիրառումը, բացառությամբ վերջին օրերի, չի եղել, թեկնածուների` իրար վրա ցեխ շպրտել չի եղել: Այնպես, որ ես գնահատում եմ բավարար:

Դիանա Մ.-Ինչպիսի՞ն պիտի լինի Երեւանի քաղաքապետը:

Երեւանի քաղաքապետը նախ եւ առաջ պետք է հասկանա իր գործը, լինի արդարացի անձնավորություն, սիրի Երեւանը, սիրի երեւանցիներին եւ այս բոլոր հատկությունները ունի Գագիկ Բեգլարյանը: Ես այժմ խոսում եմ ոչ թե որպես ՀՀԿ գործադիր մարմնի անդամ, ՀՀԿ շտաբի պետ, այլ Գագիկ Բեգլարյանի ընկեր:

Դիանա Մ.-Իսկ ինչպես եք գնահատում ընդդիմության հնարավորությունները:

Ես համոզված եմ, որ ընդդիմությունը կհաղթահարի 7 տոկոսանոց շեմը: Դա կոչվում է ընդդիմության ներկայացվածություն Երեւանի ավագանիում:

Բլանշ-Ի դեպ, ընդդիմության մասին: Մեր ընթերցողներից մեկը խնդրում է ձեզ, որպես ՀՀԿ շտաբի պետ, նշել որևէ առավելություն, որ ունի Գագիկ Բեգլարյանը Լևոն Տեր-Պետրոսյանի նկատմամբ:

Ես շատ տարբեր առավելություններ կարող եմ նշել, քանի որ Գագիկ Բեգլարյանին մոտիկից եմ ճանաչում, իսկ Լեւոն Տեր-Պետրոսյանին` ոչ: Ես չէի ուզենա այդ հարցին պատասխանել, քանի որ կա կողմնակալ դիրքորոշում:

Բլանշ-Պարոն Փամբուկյան, մեր ընթերցողները անձնապես ձեզ ուղղված հարցեր ունեն նաեւ: Հարցնում են` այդքան փորձ ունեք տպարանում աշխատելու, ինչո՞ւ սեփական թերթ չունեք:

Կփորձեմ ուղղել այդ սխալը:

Բլանշ- Հարց կա նաեւ “Թենիսի ֆեդերացիայի” ձեր գործունեության վերաբերյալ: Հարցնում են` դուք թենիս պարապում եք: Եվ կան արդյոք պատգամավորներ կամ այլ գործիչներ, ովքեր “պարապում են” ձեզ հետ:

Այո, պարապում եմ, պարզապես վերջին երկու ամսվա ընթացքում ժամանակը չի ներում: Բայց ընդհամենը մեկ շաբաթից նորից կվերադառնամ իմ սիրելի զբաղմունքներից մեկին: Այո, կան նաեւ պատգամավորներ ու նախարարներ, որոնք սիրում են, զբաղվում են, խաղում ենք: Թենիսը եւ սպորտ է եւ խաղ:

Բլանշ-Նույն թեմատիկայով. հարց է ուղղված/Misak/: Դեռեւս նախորդ տարի խոստացել էիք, որ 2009 թ. ապրիլին Երեւանում մեծ մրցաշար է նախատեսվում: Ինչու այն չկայացավ:

Մեկ պարզ պատճառով: Հայտվնել էին լուրջ հովանավորներ, որոնք պատրաստվում էին ֆինանսավորել շատ մեծ մրցածար Երեւանում, ցավոք սրտի նրանց հետաձգեցին իրենց որոշումը:

Բլանշ- Հարց «Մխիթար Սեբաստացի» կրթահամալիրից: Գրում են, որ դուք ձեր այցի ժամանակ խոստացաք նյութապես աջակցել կրթահամալիրին՝ մեծ թենիսի կորտեր կառուցելու։ Եւ ձեր պատասխանն են հայցում:

Այո, ես իսկապես եղել եմ այնտեղ, քննարկել ենք այդ հարցը եւ ես որպես ֆեդերացիայի նախագահ խոստացել եմ իմ աջակցությունը, սակայն այստեղ խնդիրը չի լուծվել երեւի երկուստեք ինչ-որ անհասկացվածության պատճառով: Երեւի թե պետք է աշխատենք այդ ուղղությամբ:

Դիանա Մ.-Պարոն Փամբուկյան, ո՞րն է ձեր կուսակցության հաջողության գրավականը, փողը, իշխանությունը, ռեսուրսը…

Ինչու միայն դրանք… Տեսեք, հիմա քարոզարշավ է ընթանում: Ամենաչափավոր խոստումները մենք ենք տալիս: Համոզված լինելով մեր հաղթանակում, մենք տալիս ենք միայն իրատեսական խոստումներ: Խոստանում ենք այն, ինչ պետք է կատարենք: Ու մեր ընտրողներին ասում ենք` այն ինչ խոստացել ենք, արել են, հլը մի բան էլ ավել: Դա է մեր հաջողության գրավականը:

Բլանշ-Պարոն Փամբուկյան, ձեր օրենսդիր գործունեության եւ անձնապես ձեզ ուղղված հարց կա: Հարցնում են, դուք Դուք Խաչատուր Սուքիասյանի հետ մտերի՞մ էիք: Քվերակե՞լ եք արդյոք նրանց անձեռնմխելիությունից զրկելու օգտնին:

Ոչ, չեմ քվերակել, ես այդ նիստին ներկա չեմ եղել:

Բլանշ-Հաջորդ հարցը վերաբերվում է արտաքին քաղաքականությանը: Պարզապես ձեր կարծիքն են ուզում իմանալ /Maro/ապրիլի 22-ի ստորագրված ճանապարհային քարտեզի վերաբերյալ:

Նախ ասեմ, որ մի քիչ ճոխ անուն տրվեց այդ փաստաթուղթ կոչվածին`ճանապարհային քարտեզ: Դա ընդհամենը մեկ կամ կես էջի վրա ստորագրված մի փաստաթուղթ է: Իսկ ճանապարհային քարտեզ անվանումը կապված է զուն դրա հետ, որ կա ճանապարհ հայ-թուրքական հարաբերությունների հաղթահարման պրոցեսում: Եվ այդ ճանապարհը անցնում ենք, թե ուր կհասնենք, կյանքը ցույց կտա:

Դիանա Մ. -Պարոն Փամբուկյան, 3 օրից ընտրություններն են: Ինչ խորհուրդ կտաք մեր ընթերցողներին, քովեր 3 օրից պետք է վճռեն Երեւանի ապագան:

Ես խորհուրդ կտամ հաշվի առնել թեկնածուների անցած ճանապարհը: Երեւանի քաղաքապետի գործառույթները հիմնականում միտված են երեւանցիների հոգսերը թեթեւացնելուն եւ ընդգրկում են մի շարք կենցաղային հարցեր: Մեր թեկնածուն առավելություն ունի այս հարցերում եւ ես բնականաբար կոչ եմ անում ձայնը տալ Հանրապետական կուսակցությանը:

Հարցազրույցի աուդիո տարբերակը, որը ձայնագրվել է օն-լայն հերարձակման ժամանակ կարող եք լսել սեղմելով այստեղ: Հիշեցնեմ, որ հարցազրույցը վարում էր Դիանա Մարկոսյանը եւ ես` Բլանշը կամ Շուշան Հարությունյանը ներկայացնում էի ձեր հարցերը:


Actions

Information

4 responses

28 05 2009
menk

HARGELI PARON DEMIRJYAN ES AMBOXJ SRTOV VOXJUNUM EM DZER MIASNAKAN PAYKARE HANRAPETUTYAN ARAJIN NAXAGAHI HET MIASIN AYS AVAZAKNERI DEM:
EREVANE ARJANI E DZEZ NMAN EREVANCI XEKAVARNERI EV CANKALI E TESNEL DZER HAXTANAKE :
HAXTANAKI DEPKUM INCHPES EK ASHXATELU AYS ISXANUTYAN HET VORE ARANC ERKMTELU GNDAKAHAREC MER EREXANERIN MARTI-1-IN:
DZER HOR SERE MIAYN BAVAKAN E HANDEP MER JOXOVURDE VORPESZI DUK HAVATARIM LINEK MER ERAZNERIN:
MAXTUM EM DZEZ BARI HAXTANAK EV PAYKARELU KAMK AYS BRNATIRUTYAN DEM:

29 05 2009
Hayq (Armenia)

Shnorhakal em Blansh, im harc@ hamaroren chhnchecnelu hamar.

29 05 2009
blansh

Հարգելի Hayq(Armenia), հարցազրույցից առաջ ընդհանուր հարցերին ծանոթանալիս Հարություն Փամբուկյանը խնդրեց քաղբանտարկյալների մասին հարցը չհնչեցնել ուղիղ եթերում: Ասաց, որ հրաժաշվում է պատասխանել այդ հարցին:

1 06 2009
Mard

Bayc axchiknery lavn en. Apreq sirunner.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s




%d bloggers like this: