Այսուհետ «Ա1+» կարող եք դիտել ձեր բջջային հեռախոսով

Սիրելի ընթերցողներ, վաղվանից` մայիսի 6-ից, առաջին անգամ Հայաստանի ողջ տարածքում օրվա կարեւորագույն տեսանորություններին կարող եք ծանոթանալ Ձեր բջջային հեռախոսի միջոցով: Մենք նոր ծառայություն ունենք եւ ուզում ենք կիսվել ձեզ հետ, լսել ձեր կարծիքն ու մեկնաբանությունը:

“Ա1+”-ի եթերազրկումից 7 տարի անց

“Ա1+”-ը հեռուստաընկերությունը եթերազրկվեց 7 տարի առաջ այս օրը!!! /թե ինչու հայերենում այս նշանից չունենք/: Եթերազրկվեց, բայց չփակվեց…

Այսպիսի բաներ…

ԱԺ-ը մի քանի օր առաջ շատ արագ օրենսդրորեն ամրագրեց այն դրույթը, ըստ որի` մինչեւ 2010թ կապուղիների մրցույթներ չեն անցկացվելու: Մինչդեռ սեպտեմբերի 17-ին ԵԽ նախարարների կոմիտեի նիստում կբարձրացվի “Ա1+”-ի ոտնահարված իրավունքի վերականգնման հարցը: Այն անդրադարձ է Մարդու իրավունքների եվրոպական դատարանի վճռին, համաձայն որի` “Ա1+”-ի եթերազրկմամբ խախտվել է Մարդու իրավունքների եվրոպական կոնվենցիայի 10-րդ հոդվածը(Խոսքի ազատություն):

Հունիսի 17-ին Մարդու իրավունքների եվրոպական դատարանը վճռել էր, որ ՀՌԱՀ-ի “Ա1+”-ի արտոնագիր չտրամադրելու վերաբերյալ բոլոր որոշումները կամայական եւ չպատճառաբանված են եղել: ՚Խնդիրը “Ա1+”-ը չէ: Խնդիրն այն է, որ Դատարանը արձանագրել է ոտնահարում: Երբ Դատարանը հայտնաբերում է ոտնահարում, այդ լուրջ էՙ,- ասում է լոնդոնյան փաստաբանական ծառայության` KHRP-ի վարչության նախագահ Ռաջեշ Ռայը: Նրա ղեկավարած փաստաբանական ծառայությունը Եվրադատարանում ներկայացրել է “Ա1+”-ի շահերը:

Ըստ նրա` Եվրադատարանի վճիռը պետք չէ մեկնաբանել այն տեսանկյունից, որ ինչ-որ կողմ տանուլ է տվել, այլ` կա ոտնահարում եւ այն պետք է շտկվի: ՚Այն լուրջ խնդիր է եւ Նախարարների կոմիտեն դրան կանդրադառնաՙ,-ասում է նա` շեշտելով, որ անդրադարձը լինելու է անկախ Հայաստանի օրենսդրության փոփոխությունից: Նախարարաների կոմիտեն ցանկանալու է Հայաստանից պարզել, թե ինչ է անում վերջինս Եվրադատարանի արձանագրած ոտնահարումները վերացնելու համար:

“Օրենք “Ա1+”-ը չբացելու մասին”

Սա օրենք է ՚Ա1+ՙ եւ ՚Նոյան տապանՙ հեռուստաընկերություններին հեռարձակման կապուղի չտրամադրելու մասինՙ,-այսօր ՚Հեռուստատեսության եւ ռադիոյի մասինՙ օրենքում լրացում կատարելու մասին օրենքի նախագծի քննարկման ժամանակ հայտարարեց անկախ պատգամավոր Վիկտոր Դալլաքյանը:
Հիշեցնենք, որ կառավարությունը սեպտեմբերի 4-ի առավոտյան, երբ նախատեսված էր ԱԺ մշակույթի, երիտասարդության եւ սպորտի հարցերի հանձնաժողովի հերթական նիստը, ԱԺ է բերել սույն օրենքի նախագիծը, իսկ էկոնոմիկայի նախարար Ներսես Երիցյանը եկել էր օրինագիծը պատգամավորների դատին հանձնելու:

Հանձնաժողովի նախագահի այդ ժամանակ պաշտոնակատար Նաիրա Զոհրաբյանը մերժել է օրինագիծը քննարկել` նշելով, որ պատգամավորները ծանոթ չեն ներկայացվող օրինագծին եւ իրենք պարտավոր չեն քննարկել եւ եզրակացություն տալ Ներսես Երիցյանի թեկուզեւ շատ լավ ներկայացրած օրինագծին:
“Կառավարությունը պատշաճ կարգով չի ներկայացրել, եւ ես մերժել եմ այդ օրինագծի քննարկումըՙ,-՚Ա1+ՙ-ին ասաց Նաիրա Զոհրաբյանը: Այսօր եւ նա եւ հանձնաժողովի նորընտիր նախագահ Արմեն Աշոտյանը բավականին սուր հարցադրումներ արեցին Երիցյանին, իսկ Աշոտյանն իր հարցերը հնչեցնելուց եւ պատասխանները լսելուց հետո դուրս եկավ դահլիճից եւ այդ հարցի քննարկման ժամանակ այեւես չվերադարձավ դահլիճ:

Վերսկսում ենք աշխատանքները բլոգում

Սիրելի ընթերցողներ,

ուրախ եմ վերջապես տեղեկացնել ձեզ, որ “Ա1+”-ի բլոգը վերսկսում է իր աշխատանքները, հիմա արդեն նոր հասցեով եւ որոշակի տեխնիկական ու սկզբունքային փոփոխություններով: Շարունակելու ենք ակտիվ, հիմա արդեն թեժ ամառային քննարկումները եւ ամենից շատ սպասում ենք ձեր ներկայությունը բլոգում` ձեր կարծիքին, ձեր մեկնաբանությանն ու տեսակետին:

Հուսով եմ հիշում եք, որ բլոգը ՁԵՐ` ակտիվ ու մտահոգ քաղաքացիների հանդիպման վայրն է եւ այստեղ լսելի է ՁԵՐ ձայնը: Բլոգում մեկնաբանել կարող է ցանկացած այցելու` այն գործում է առանց հաստատման կարգի, հետագա ամիսներին կգործի նաեւգրանցման համակարգով: Բլոգում ձեզ հետ շարունակելու է խոսել նույն Բլանշը` այսինքն ես, իսկ ժամանակ առ ժամանակ իրենց նյութերով ու կարծիքներով մեզ միանալու են նաեւ “Ա1+”-ի մյուս լրագրողները: