Տեսնես ինչի՞ց են մարդիկ ագրեսիվ դառնում

Այսօր Ոստիկանությունը իր պաշտոնական էջում տարածել է մի նկութ, ահա.

”ՄՏԱՀՈԳԻՉ ՎԻՃԱԿԱԳՐՈՒԹՅՈՒՆ

2009 թ. 10 ամիսների ընթացքում հանրապետությունում սպանության 69 դեպք է գրանցվել:

Մտահոգիչ փաստ է` ագրեսիան մարդկային հարաբերություններում դառնում է գերիշխող: Թե հատկապես ինչ պատճառահետեւանքային կապեր, խորքային ինչ հանգամանքներ են նպաստում մարդկանց մեջ ագրեսիայի ՙդիրքավորմանը `, թերեւս հոգեբանների ու սոցիոլոգների գնահատման խնդիրն է, իսկ բարության, փոխզիջման, հանդուրժողականության ՙքաղաքականությունն`արդեն` ամբողջ հասարակության:

Փաստն այն է, որ հիմնախնդիրն առկա է. նյարդային գրգռվածությունը, անհանդուրժողականությունը մտել են մեր կենցաղ ու հարաբերություններ են կառավարում: Սակայն դա ամենեւին էլ չի նշանակում, թե ամեն ինչ տանուլ է տրված, որ արդեն ուշ է մարդու մտածողության մեջ բարեփոխումներ կատարել:

Ագրեսիան, որ մարդուն հատուկ երեւույթ է, որքան էլ հնարավոր չէ իսպառ վերացնել, այնուամենայնիվ, կարելի է մեղմել` վերացնելով ագրեսիվությանը նպաստող գործոնները, օրինակª անտարբերությունը, կամ`սեփական միտքը չարից հնարավորինս մաքրել, կամեցող, կարեկից, պատրաստակամ լինել, կամ` կյանքի դժվարություններին փիլիսոփայորեն նայել… Պարզ, հասարակ դեղատոմսեր են, բայց` գործող:

Վիճակագրությունը ցույց է տալիս, որ սպանություններն ու սպանության փորձերը հիմնականում կատարվում են կենցաղային հողի վրա ծագած վիճաբանությունների ժամանակ, եւ հաճախ նպատակն ի սկզբանե սպանությունը չի լինում, պարզապես կրքերի բորբոքման մի անհեռատես պահի բանականությունը տեղի է տալիս, ու մարդը մարդ է սպանում… Մարդկային հարաբերությունների խաթարման պատճառները որքան տարբեր, նույնքան գրեթե նույնն են դրանց լուծման ձեւերը` խոհեմություն, հանդուրժողականություն, պարզապես մարդկայնություն. ահա իրական պրոֆիլակտիկան, որ յուրաքանչյուր ոք պիտի իրականացնի իր ներաշխարհում, իր դատողություններում, հայացքներում:”

Չգիտեմ, իսկ դուք ի՞նչ եք կարծում, ինչու են մարդիկ ագրեսիվ դարձել:

Բայց արդյո՞ք ագրեսիվ են, թե դա ոստիկաննությանն է թվում:

Ամեն դեպքում կարծում եմ պետք է լսել նրանց ,,կոչը, եւ կյանքի դժվարություններին ”փիլիսոփայորեն նայել.”……

Ինչ կասեք?

:))))

Ընտրախախտումների մասին պատմում են քաղաքացիները

Երեւանի ավագանու ընտրությունները մեկնարկեցին ընտրախախտումների մասին առաջին լուրերով, որոնց մի մասը հաստատվեցին, մյուսները հերքվեցին: Այնուամենայնիվ, խոսենք թվարկումներով… Վանաձորից մարդկանց են տեղափոխել Երեւան`ընտրություններին մասնակցելու համար: Ծեծի են ենթարկվել “Չորրորդ Իշխանության” լրագրող Գոհար Վեզիրյանը եւ “Հայք”-ի լրագրող Տաթեւ Մեսրոպյանը: Ավան համայնքում տաքսներ եւ մեքենաներ են տրամադրված`բնակիչներին կազմակերպված խմբակային կերպով ընտրատեղամասեր տեղափոխոլու համար։ Աջափնյակում կանաչ շապիկավոր երիտասարդներ, ոքվեր “Բարգավաճի ֆանատներ” են ներկայանում եւ նշումներ են անում թղթապանակներում, ուղղորդումներ անում: Ինֆորմացիա ենք ստացել Նոր Նորքում կրակոցների մասին, լցոնումների, վստահված անձին ծեծի ենթարկելու, ընտրախախտումը գրանցած հանձնաժողովի անդամի “գնել” փորձելու եւ շատ այլ միջադեպերի մասին:

“Միասինը” ցեխը գցեց բոլոր դասախոսներին միասին

Այսօր Երեւանի բազմաթիվ ուսանողներ հնարավորություն էին ստացել տրորելու եւ պատռելու ցեխաջրերի մեջ նետված իրենց դասախոսների նկարները: “Միասին” երիտասարդական շարժումը, որ որոշել էր ամոթանքի անձնավորված տարբերակով պայքարել բուհերում գոյություն ունեցող կոռուպցիայի դեմ, Երեւանի տարբեր բուհերի, կենտրոնական փողոցների անցումների, ինչպես նաեւ ՀՀ Կրթության եւ գիտության նախարարության շենքի մերձակա տարածքում փակցրել էին “կաշառակեր” պիտակավորմամբ բազմաթիվ դասախոսների նկարներ, ինչպես նաեւ թռուցիկի տարբերակով նկարներ, որոնք թափված էին ցեխաջրերում:

“Մենք հետեւողական ենք եւ վճռական: Մենք ապացուցում ենք, որ չենք երկմտի լուծել մեր առջեւ դրված եւ ոչ մի խնդիր, եւ պայքարը կհասցնենք իր տրամաբանական ավարտին”,-ասված է թռուցուկում: Իհարկե միանշանակ չի կարելի ասել` ինչ “տրամաբանական ավարտի” մասին է խոսքը եւ ինչ տրամաբանությամբ, բայց փաստ է, որ նախաձեռնության այս դրսեւորումը ոչ միանշանակ ընդունվեց շատերի կողմից… Մյուս կողմից գուցե շատ լավ մեթոդ է կոռուպցիայի դեմ արմատներից ու կոշտ միջոցներով պայքարելու համար…