Աբրահամ Բախչագուլյան.”Ես օրենք չեմ խախտել, ես այդպես չեմ ասել”

Իշխանական քաղաքական ուժերը հայտարարեցին, որ այս ընտրությունները մեկ քայլ առաջ են նախորդներից: Ինչպե՞ս կմեկնաբանեք այս:

Այս ընտրությունները առաջընթաց էին այնքանով, որ այսօր երեւանցին կարողացավ, թեկուզ եւ անուղղակի, բայց ունենալ իր ներկայացուցչական մարմինը քաղաքում: Ինչ վերաբերվում է ընտրությունների կազմակերպմանը, ապա պետք է նշեմ, որ այս ընտրությունները, ի տարբերություն նախորդների ավելի հրապարակային էին: Երեւան քաղաքակում առաջին անգամ փորձարկեցինք ընտրությունները ավտոմատացված համակարգով, եւ ԿԸՀ-ն ԶԼՄ-ների եւ բոլորի հետ միասին էր ստանում քվեարկության արդյունքների եւ մասնակիցների մասին տեղակատվությունը:

Քանի՞ բողոք ես ստացել ընտրություններից հետո:

Ես խոսեմ քվերակության օրվանից, քվերակությանը օրը ԿԸՀ-ն եւ ոչ մի դիմում-բողոք չստացավ: Ինձ զարմացնում է դա այնքանով, որ խախտումներ, իհարկե, եղել են: Սակայն խախտումների գնահատաման հետ կապված մենք պետք է պատկերացում ունենան` այդ խախտումը, որ տեղի է ունեցել, ազդել է արդյուքնի վրա, թե չէ: Խախտման պատճառները 3-ն են` դիտավորյալ խախտումներ, անփուփության եւ ընտրական օրենսգրքի չիմացություն եւ երեք պատճառներն էլ այս ընտրություններում եղել են: Ինչ վերաբերվում է ավտոբուսներով մարդկանց բերելուն, դա ընտրախախտում չէ: Ասեմ ինչու: Ավտոբուս նստելը, ավտոբուսով ընտրական տեղամաս այցելելը ընտրական օրենսգրքի խախտում չէ: Կարեւորը այն է, որ քվեարկությունը գաղտնի է եւ այդ գաղտնիությունը մենք երաշխավորում ենք:

Էդուարդ Շարմազանով. “ՀՀԿ եւ ԲՀԿ միջեւ լուրջ տարաձայնությունների առիթ չկա”

Դուք ինքներդ գո՞հ եք Երեւանի քաղաքապետի ընտրությունների ընթացքից եւ արդյունքներից:

Նախ նշեմ, որ ընդհանուր առմամբ դրական եմ գնահատում Երեւանի ավագանու ընտրությունների քարոզչության ընթացքը, որովհետեւ բոլոր քաղաքական ուժերը իրենց կոռեկտ պահեցին եւ քարոզարշավը հիմնականում եղել է ծրագրերի քաղաքական մրցակցության համատեքստում: Իսկ ընտրությունների օրը գնահատում եմ լավ, ոչ թե նրա համար, որ մենք հաղթեցինք, այլ այն պարզ պատճառով, որ այս ընտրությունները ցույց տվեցին, որ մենք կարող ենք լավ ընտրություններ կազմակերպել: Այո, կան բազմաթիվ թերություններ: Այդ թերությունները արձանագրել էին համապատասխան մարմինները եւ պատահական չէ, որ 6 տեղամասերում վերահաշվարկներ տեղի ունեցան:

Հիմնականում բախումները Հանրապետականի եւ Բարգավաճի միջեւ էր: Դա ինչո՞վ եք պայմանավորում:

Ես չեմ կարծում, որ դա ՀՀԿ եւ ԲՀԿ միջեւ լուրջ տարաձայնությունների առիթ է տալիս: Ընտրությունները դա մրցակցություն է, որը բաց է մրցակցության համար եւ կարող են որոշակի անձնական խնդիրներ ավելի ցայտուն լինել մրցապրոցեսի ժամանակ: Բայց այն, որ պայքարը գնում էր հիմնականում ՀՀԿ եւ ԲՀԿ միջեւ, դուք ասացիք:

Ուղղեք ձեր հարցերը Էդուարդ Շարմազանովին

Հետընտրական եւ քաղաքական վերջին զարգացումների համատեքստում հաջորդ հյուրը ԱԺ Հանրապետական խմբակցության պատգամավոր Էդուարդ Շարմազանովն է: Նրան կարող եք ուղղել ձեր հարցերը մինչեւ վաղը, հունիսի 22-ը, ժամը 18:00-ն, իսկ արդեն ժամը 19:00-ին ուղիղ եթերում լսեք նրա պատասխանները սեղմելով այստեղ: Ներքերում ներկայացնում ենք նաեւ Էդուրարդ Շարմազանովի համառոտ կենսագրությունը:

Էդուարդ Հովսեփի Շարմազանով
Ծնվել է 1975 թ. նոյեմբերի 8-ին Ալավերդի քաղաքում։
1997 թ. գերազանցությամբ ավարտել է ՀՊՄՀ Պատմության եւ աշխարհագրության ֆակուլտետի պատմության բաժինը։
1995 թ. հիմնադրել է Ալավերդու « Զարթոնք» ուսանողական միությունը։
1997-2002 թթ. սովորել է ՀՊՄՀ ասպիրանտուրայում։
2000-2002 թթ. Ճանաչվել է ՀՀ ինտելեկտուալ խաղերի «լավագույն գիտակ»։

Ի՞նչ է փոխելու համաներումը

Այսօր տեղական ժամանակով ժամը 12-ին սկսեց Հայաստանի Ազգային ժողովը արտահերթ նիստը, որում քննարկում է համաներման հարցը: Համաներման առաջարկությունը ներկայացրել է Սերժ Սարգսյանը, ում նախաձեռնությամբ էլ հրավիրվել է արտահերթ նիստը: Միաժամանակ Խորհրդարանի շենքի մոտ հավաքված մարդիկ ակցիան են անում եւ պահանջում են քաղբանտարկյալների ազատ արձակումը: Հիշեցնենք, Սերժ Սարգսյանի ներկայացրած առաջարկում նախատեսվում է պատժից ազատել առավելագույնը երեք տարի ժամկետով ազատազրկվածներին։ Իսկ մարտի 1-2-ի դեպքերի հետ ձերբակալվածների մասով առաջարկում նշվում է.

“Պատժից ազատել դիտավորյալ հանցագործություն կատարելու համար նախկինում չդատված անձանց, որոնք դատապարտվել են առավելագույնը 5 տարի ժամկետով ազատազրկման եւ համաներման ուժի մեջ մտնելու օրվա դրությամբ կրել են ոչ պակաս, քան նշանակված պատժի մեկ երրորդը, ինչպես նաեւ նրանց, որոնք դատապարտվել են առավելագույնը 10 տարի ժամկետով ազատազրկման եւ համաներման որոշման ուժի մեջ մտնելու օրվա դրությամբ կրել են ոչ պակաս, քան նշանակված պատժի կեսը“:

Տիգրան Թորոսյան. “Հայաստանին այդպես էլ չեն բավարարում գործող կուսակցությունները”

Առաջին անգամ ընտրություններին դուք հետեւում էիք անկախ հայացքով, այսինքն ոչ որպես հանրապետական կուսակցությունից: Ինչպե՞ս եք գնահատում ընտրությունները նախորդ ընտրությունների համեմատությամբ:

Կարծում եմ երկու ընտրությունները համեմատելը ճիշտ չէ: Համապետական ընտրությունները մի բան են, մայրաքաղաի ավագանու ընտրությունները այլ բան: Սակայն մեկ բան ակնհայտ է. նախագահական ընտրություններից հետո բազմաթիվ էին դժգոհությունները եւ երկուստեք երկխոսության հրավերները: Այս մեկ տարվա ընթացքում երկուսն էլ չկարողացան օրակարգ առաջարկել քննարկումների համար:

Երկխոսությունից եք խոսում: Սակայն ընդդիմության ներկայացուցիչների ընկերները բանտերում են: Այս պայմանը գոնե պիտի կատարվեր չէ՞, որ երկխոսություն սկսեր:

Կարծում եմ այս հարցը մի փոքր հուզական ժանրից է, որովհետեւ ցանկացած հարցի լուծում միշտ երկխոսությամբ է հնարավոր: Նախապայմաններ դնել երկխոսության համար, կարծում եմ, ճիշտ չէ: Այդ նույն պայմանները կարելի է առաջ քաշել նաեւ երկխոսության ժամանակ: Այնպես որ, թերեւս օրակարգ ձեւակերպել եւ ներկայացնել հասարակությանը եւ իշխանության, եւ ընդդիմության պարտականությունն էր: Հասարակությունը կտրված է բուն քաղաքականությունից: Այս պարագայում արդեն պարզ կլիներ`ուզում է արդյոք ընտրություններ լինեն, թե ընտրություններ իրենց կոնկրետ հավակնությունների համար են ուզում:

Ուղղեք ձեր հարցերը Տիգրան Թորոսյանին

Հարգելի ընթերցողներ, օն-լայն հարցազրույցների ֆորմատում մեր հաջորդ հյուրը ԱԺ պատգամավոր, ԱԺ նախկին նախագահ Տիգրան Թորոսյանն է, ով պատրաստակամություն է հայտնել պատասխանելու ձեր հարցերին: Ուղղեք ձեր հարցերը Տիգրան Թորոսյանին մինչեւ վաղը`հունիսի 16, ժամը 11:00-ին, իսկ արդեն ժամը 12:00-ին լսեք հարցազրույցը ուղիղ եթերում `սեղմելով այստեղ:

Հաջորդիվ համառոտ ներկայացնում ենք նաեւ Տիգրան Թորոսյանի կենսագրությունը:

Ծնվել է 1956թ. ապրիլի 14-ին Երեւանում: 1973-1978թթ. սովորել է Երեւանի Պոլիտեխնիկական ինստիտուտի (Ճարտարագիտական համալսարան) Ռադիոէլեկտրոնիկայի ֆակուլտետում, միաժամանակ` 1976-1978թթ. Հասարակական մասնագիտությունների ֆակուլտետում: Ավարտելով` ստացել է էլեկտրոնային տեխնիկայի ինժեների եւ ֆրանսերենի տեխնիկական թարգմանչի մասնագիտություններ:

Ուղղեք ձեր հարցերը Ամալյա Կոստանյանին

Հարգելի ընթերցողներ, հետընտրական զարգացումների մասին օն-լայն հարցազրույցների մեր հաջորդ հյուրը “Թրանսփարենսի ինթերնեյշնլ” հակակոռուպցիոն կենտրոնի նախագահ Ամալյա Կոստանյանն է, ով պատրաստակամություն է հայտնել խոսելու ձեզ հետ եւ պատասխանելու ձեր հարցերին: Տեղեկացնենք, որ “Թրանսփերենսի ինթերնեշնլ” հակակոռուպցիոն կենտրոնը դիտարկումներ է անցկացրել և՛ ընտրությունների օրը, և՛ նախընտրական շրջանում, ինչպես նաեւ հանդես է եկել համապատասխան զեկուցմամբ: Ուղղեք ձեր հարցերը մեր հյուրին մինչեւ վաղը` հունիսի 10 ժամը 14:00-ն, իսկ արդեն 14:30 լսեք հարցազրույցը ուղիղ եթերում`սեղմելով այստեղ:

Արման Մուսինյան. “Անպատիժ իշխանությունը այլասերվում է”

Դիանա Մ.-Պարոն Մուսինյան, դուք երեկ ձեր տարածած հայտարարության մեջ նշել էիք, որ իշխանությունները լծվել են կեղծիքների հետքերն ու ապացույցները թաքցնելու գործին: Բայց չէ որ Դատախազությունը քրեական գործեր է հարուցում, տեղում հատուկ քնչական ծառայությունը բացում, վերահաշվարկ է անում քվեաթերթիկների: ԿԸՀ-ն մի քանի ընտրատեղամասերում քվեարկության արդյունքները անվավեր է ճանաչել: Արդյո՞ք սրանք ցույց չեն տալիս, որ ինչ-որ պայքար այնուամենայնիվ գնում է ընտրակեղծիքների դեմ:

Ես կարծում եմ, որ ասվածները ամենեւին չեն հակասում իրար: Մենք մեր հայտարարության մեջ կոնկրետ փաստերի էինք անդրադարձել: Մասնավորապես`շեշադրված էր բողոքարկման գործընթացում իշխանությունների եւ հատկապես ընտրական մարմինների կողմից իրականացվող ապօրինությունները: Ինչ վերաբերվում է Դատախազության այս մի քանի օր տեւող ընտրություններին առնչվող գործողություններին, ես կարծում եմ, որ դրանք շատ ավելի ուղղված են դրսին: Եթե որեւէ ընտրատարածքում, իսկ մասնավորապես Մալաթիայում դրանք կրել են համատարած բնույթ, նախարարությունը ոչ միայն պետք է փորձր այնտեղ գտնել մեկ-երկու-երեք կամ հարյուր քվեաթերթիկ կամ խախտում, այլ պետք է փորձեր պարզել` ովքեր են դրանք կազմակերպել: Հիմա մի քանի սլաքավարների նկատմամբ քրեական գործ է հարուցվել, այնինչ հիմնական կազմակերպիչները, որոնք եւ Դատախազությանն են հայտնի, եւ հանրությանը, մնացել են ուշադրությունից դուրս: Իսկ ինչ վերաբերվում է նորից մեր հայտարարությանը, մեկ անգամ եւս շեշտեմ, որ բողոքարկման պրոցեսը իշխանությունները, ընտրական մարմինները, ըստ էության, վիժեցնում են:

Արմեն Մարտիրոսյան. «Ճիշտ չէ, որ “Ժառանգությունը” տարալուծվի ՀԱԿ-ի մեջ»

Դիանա Մ.-Ժառանգությունը ընտրական հանձնաժողովներում միակ ընդդիմադիր ուժն էր: Ինչպե՞ս եք գնահատում ընտրությունների ընթացքը:

Ընթացքը բնականաբար բացասական եմ գնահատում: Ընտրողի ազատ կամքի արտահայտում ես այդ օրը չտեսա: Դա մինչեւ այժմ ինձ համար ամենամեծ խնդիրն է այդ, որ չենք կարողանում լուծել: Ընտրակաշառքով, վարչական ռեսուրսի օգտագործմամբ, ահաբեկումով, ոստիկանական ուժերի միջոցով, լոցոնումով, թե ինչով է դա իրականացվել, ինձ համար արդեն երկրորդական հարց է, տեխնոլոգիայի խնդիր է: Բայց որպես էություն ես պիտի արձանագրեմ, որ իմ երկրի քաղաքացին չի կարողանում ազատ արտահայտել իր կարծիքը, չի կարողանում իրացնել իր իրավունքը: Ինչ վերաբերում է ձեր հարցի ընդդիմադիր լինելու հատվածին: Ժառանգությունը արդեն իսկ հայտարարել էր, որ ընդդիմությանն է պաշտպանում, դա քաղաքական կողմնորոշում է պաշտպանել ընդդիմությանը, քանի որ մենք չենք մասնակցում:

Ուղղեք ձեր հարցերը Արման Մուսինյանին

Հարգելի ընթերցողներին, հետընտրական զարագացումների շուրջ քննարկումների համատեքստում մեր հաջորդ հյուրը Լեւոն Տեր-Պետրոսյանի մամլո խոսնակ Արման Մուսինյանն է, ով պատրաստակամություն է հայտնել պատասխանելու ձեր հարցերին: Եվ այսպես, ուղղեք ձեր հարցերը մեր հյուրին մինչեւ վաղը /հունիսի 5/ ժամը 16:00-ն, իսկ 16:30-ին ուղիղ եթերում լսեք դրանց պատասխանները սեղմելով այստեղ:

Հաջորդիվ ներկայացնում ենք նաեւ Արման Մուսինյանի համառոտ կենսագրությունը:Արման Մուսինյանը ծնվել է 1978 թվականին, Երեւանում։ Մասնագիտությամբ արեւելագետ-կոնֆլիկտոլոգ է։

Ընդդիմությունը հրաժարվեց մանդատներից

Հայ ազգային կոնգրեսը ներկայացված չի լինի Երեւանի խորհրդի կազմում: Այսօր Մատենդարանի հարակից տարածքում ընդդիմության հրավիրած հանրահավաքին այս մասին հայտարարեց ՀԱԿ առաջնորդ Լեւոն Տեր-Պետրոսյանը: Ընդդիմությունը հայտարարեց, որ Հայ ազգային կոնգրեսի ցուցակով առաջադրված ավագանու թեկնածուները հրաժարվում են աշխատել իշխանության հետ: Նշենք, որ Սերժ Սարգսյանը իր շնորհավորական ուղերձում չէր մոռացել նաեւ ընդդիմությանը: Ինչպես եք գնահատում ընդդիմության այս քայլը:

Ստացվեց ինչպես միշտ կամ Բեգլարյան քաղաքապետ…

Եվս մեկ ընտրություններ ավարտվեցին ընտրախախտումների նկատմամբ “կրեատիվ” ու աննախադեպ մոտեցումներով, ընդ որում այդ մոտեցումների արդյունքները դրսեւորվեցին ընտրական գործընթացներում մինչեւ այս լրագրողների նկատմամբ ամենամեծ թվով բռնարարքներով: Եվ այսպես, ըստ ԿԸՀ հրապարակած արդյունքների այսօր վաղ առավոտյան հրապարակված` քվեները բաշխվել են հետեւայալ կերպ. Հայաստանի հանրապետական կուսակցությունը /47,39 տոկոս/, “Բարգավաճ Հայաստան” կուսակցությունը /22,71 տոկոս/ եւ Հայ ազգային կոնգրես նախընտրական դաշինքը /17,41 տոկոս/: Ընտրություններին մասնակցող մյուս կուսակցությունները չեն հաղթահարել նվազագույն շեմը: “Օրինաց երկիր” կուսակցություն ստացել է քվեների՝ 5,22 տոկոսը, Հայ հեղափոխական դաշնակցությունը՝ 4,65 տոկոսը, Ժողովրդական կուսակցությունը՝ 2,14 տոկոսը, Հայաստանի աշխատավորական սոցիալիստական կուսակցությունը՝ 0,49 տոկոս։

Ընտրախախտումների մասին պատմում են քաղաքացիները

Երեւանի ավագանու ընտրությունները մեկնարկեցին ընտրախախտումների մասին առաջին լուրերով, որոնց մի մասը հաստատվեցին, մյուսները հերքվեցին: Այնուամենայնիվ, խոսենք թվարկումներով… Վանաձորից մարդկանց են տեղափոխել Երեւան`ընտրություններին մասնակցելու համար: Ծեծի են ենթարկվել “Չորրորդ Իշխանության” լրագրող Գոհար Վեզիրյանը եւ “Հայք”-ի լրագրող Տաթեւ Մեսրոպյանը: Ավան համայնքում տաքսներ եւ մեքենաներ են տրամադրված`բնակիչներին կազմակերպված խմբակային կերպով ընտրատեղամասեր տեղափոխոլու համար։ Աջափնյակում կանաչ շապիկավոր երիտասարդներ, ոքվեր “Բարգավաճի ֆանատներ” են ներկայանում եւ նշումներ են անում թղթապանակներում, ուղղորդումներ անում: Ինֆորմացիա ենք ստացել Նոր Նորքում կրակոցների մասին, լցոնումների, վստահված անձին ծեծի ենթարկելու, ընտրախախտումը գրանցած հանձնաժողովի անդամի “գնել” փորձելու եւ շատ այլ միջադեպերի մասին:

Հարություն Փամբուկյան. “ՀՀԿ պարտադրված է գնալ ինքնամաքրման”

Դիանա Մ.-Ի՞նչ նպատակով է Հանրապետական կուսակցությունը մասնակցում քաղաքապետի ընտրություններին եւ ինչո՞ւ եք ուզում վերցնել քաղաքապետի պաշտոնը:

Մենք չենք ուզում վերցնել քաղաքապետի պաշտոնը, մենք այն ունենք արդեն իսկ: Բնականաբար Հանրապետական կուսակցությունը որպես իշխող կուսակցություն եւ 2008 թվականի խորհրդարանական ընտրություններում բացարձակ մեծամասնություն ստացած կուսակցություն պետք է մասնակցեր այս ընտրություններին եւ նպատակը մեկն է. հաղթել այս ընտրություններում: Կարծում եմ բոլորին էլ հասկանալի է, որ մեր կուսակցությունը բոլոր նախադրյալները ունի այս ընտրություններում հաղթելու համար: Դա է վկայում թե ներկայիս անցկացված սոցհարցումները, թե ընտրողների տրամադրվածությունը, որ մենք զգում ենք:

Ուղղեք ձեր հարցերը Հարություն Փամբուկյանին

Հարգելի ընթերցողներ,Երեւանի ՏԻՄ ընտրությունների համատեքստում Հանրապետական կուսակցության ծրագրային քաղաքականության եւ քարոզաշավին վերաբերվող ձեր բոլոր հարցերին կպատասխանի ՀՀԿ շտաբի պետ, ԱԺ պատգամավոր, Հայաստանի թենիսի ֆեդերացայի նախագահ Հարություն Փամբուկյանը: Ուղղեք ձեր հարցերը մեր հյուրին մինչեւ վաղը` մայիսի 28-ը ժամը 15:00-ն, իսկ ժամը 16:00-ին լսեք նրա պատասխանները ուղիղ հեռարձակմամբ սեղմելով այստեղ:

Ստորեւ ներկայացնում ենք նաեւ մեր հյուրի համառոտ կենսագրությունը:
Հարություն Կարոյի Փամբուկյան

Ծնվել է 1962 թ. սեպտեմբերի 17-ին Երեւանում: