Աբրահամ Բախչագուլյան.”Ես օրենք չեմ խախտել, ես այդպես չեմ ասել”

Իշխանական քաղաքական ուժերը հայտարարեցին, որ այս ընտրությունները մեկ քայլ առաջ են նախորդներից: Ինչպե՞ս կմեկնաբանեք այս:

Այս ընտրությունները առաջընթաց էին այնքանով, որ այսօր երեւանցին կարողացավ, թեկուզ եւ անուղղակի, բայց ունենալ իր ներկայացուցչական մարմինը քաղաքում: Ինչ վերաբերվում է ընտրությունների կազմակերպմանը, ապա պետք է նշեմ, որ այս ընտրությունները, ի տարբերություն նախորդների ավելի հրապարակային էին: Երեւան քաղաքակում առաջին անգամ փորձարկեցինք ընտրությունները ավտոմատացված համակարգով, եւ ԿԸՀ-ն ԶԼՄ-ների եւ բոլորի հետ միասին էր ստանում քվեարկության արդյունքների եւ մասնակիցների մասին տեղակատվությունը:

Քանի՞ բողոք ես ստացել ընտրություններից հետո:

Ես խոսեմ քվերակության օրվանից, քվերակությանը օրը ԿԸՀ-ն եւ ոչ մի դիմում-բողոք չստացավ: Ինձ զարմացնում է դա այնքանով, որ խախտումներ, իհարկե, եղել են: Սակայն խախտումների գնահատաման հետ կապված մենք պետք է պատկերացում ունենան` այդ խախտումը, որ տեղի է ունեցել, ազդել է արդյուքնի վրա, թե չէ: Խախտման պատճառները 3-ն են` դիտավորյալ խախտումներ, անփուփության եւ ընտրական օրենսգրքի չիմացություն եւ երեք պատճառներն էլ այս ընտրություններում եղել են: Ինչ վերաբերվում է ավտոբուսներով մարդկանց բերելուն, դա ընտրախախտում չէ: Ասեմ ինչու: Ավտոբուս նստելը, ավտոբուսով ընտրական տեղամաս այցելելը ընտրական օրենսգրքի խախտում չէ: Կարեւորը այն է, որ քվեարկությունը գաղտնի է եւ այդ գաղտնիությունը մենք երաշխավորում ենք:

Ինչո՞վ եք պայմանավորում մեկ տեղամասում այդպես խտացած խախտումների շարքը: Խոսքը Մալաթիա-Սեբաստիա համայնքի մասին է:

Ես ուզում եմ արձանագրել, որ ինչ էլ լինի, ընտրախախտումները չեն կրել համակարգային բնույթ Երեւան քաղաքում Դիցուկ 16 տեղամասում լցոնման դեպքեր են արձանագրված: Օրենքը ամրագրում է եւ մենք պարզապես անվավեր ենք ճանաչել այդ ընտրատեղամասի քվեարկությունը:

Եթե խախտումները արվում են ընտրական տեղամասից դուրս: Այսինքն ճնշման, ահաբեկման տեխնոլոգիաները կիրառվում են մինչեւ ընտրական տեղամաս մտնելը: Առաջընթա՞ց է սա արդյոք:

Ձեր նշած կազմակերպական խնդիրը, ցուցակով ընտրությունների բերել տանելը կամ այս կամ այն կուսակցությունը ինչպես է կազմակերպում իր շտաբի գործողությունը, դա իր խնդիրն է: Օրենքը իրեն չի արգելում ավտոբուսով այցելել ընտրատեղամաս: Այսինքն խմբերով ընտրատեղամաս գալու մասով օրենքը արգելքներ չունի: Եվ եթե խոսում ենք որն է խումբը, պետք է ասենք երկու եւ ավել անձնաց մեկ նպատակով միավորումը, իսկ նպատակը` այցելել ընտրատեղամաս: Այսինքն, եթե ես մեկի հետ գնում եմ ընտրելու, ես արդեն խումբ եմ: Եւ ես չեմ ազդում նրա ընտրության արդյունքի վրա, քանի որ ընտրությունը, այնուամենայնիվ, գաղտնի է:

Ընթցողների հարցերից պատասխանեք խնդրեմ rafo-ի հարցին: Գրում է. Ավագանու ընտրություններից առաջ, երբ Ավան համայնքում մի քանի կանանց ծեծի էին ենթարկել, դուք հյուրընկալվել էիք Հ1 հետուստաընկերության եթերում եւ հայտարարեցիք, որ կին չեն ծեծել, եւ այլն, եւ այլն… Այսպիսով արդարացնելով իշխանությունների բոլոր գործողությունները: Բայց լինելով ԿԸՀ անդամ` դուք իրավունք չունեք պաշտպանելու որեւէ կողմին: Դուք գիտեի՞ք այդ օրենքը եւ եթե գիտեիք, ինչո՞ւ խախտեցիք:

Ես օրենք չեմ խախտել, ես այդպես չեմ ասել: Ես դատապարտում եմ ցանկացած բռնություն եւ ԿԸՀ-ն իր հայտարարության մեջ դատապարտեց բոլոր տիպի բռնությունները: Մենք կոչ ենք արել իրավապահ մարմիններին զբաղվել այս խնդրով, մեղավորները պետք է պատժվեին: Սակայն այն հարցին, թե կաննաց են ծեծել… ես ասել եմ, որ հայհոյող կինը ինձ համար կին չէ, ես գնահատականը տվել եմ:

Պողոսի հարցը: Կեղծման ի՞նչ տեխնոլոգիաներ է կիրառում Կենտրոնական ընտրական հանձնաժողովը:

Պողոսին ասեմ, որ ԿԸՀ-ն կեղծման տեխնոլոգիաներ չի կիրառում ընտրական օրենսգրքի պահանջներին համապատասխան եւ դրա սահմաններում կամակերպում, անցկացնում եւ ամփոփում է ընտրությունները:

Արմանը գրում է. երբեւիցե փորձե՞լ եք խորհուրդ հարցնել եւ քննարկել` ինչպես կարելի է անցկացնել ընտրությունները Հայաստանում, որպեսզի մաքսիմալ նվազեցնենք ընտրախախտումները:

Մենք համագործակցում ենք մի շարք միջազգային կազմակերպությունների հետ եւ խորհուրդների համար դիմում ենք իրենց, նաեւ հանդիպում այդ կազմակերպությունների նեկայացուցիչների հետ, Վենետիկի հանձնաժողովի, մեր երկրում ԵԱՀԿ երեւանյան գրասենյակի եւ այլ կազմակերպությունների հետ: Նշեմ, որ այս տարի Երեւան քաղաքում տեղի է ունենալու ընտրությունների հերթական համաժողովը, դա բոլոր երկրների կենտրոնական ընտրական հանձնաժողովներին միավորող կառույց է:

Պարոն Բախչագուլյան, գրում են. ԿԸՀ-ն իրավունք չուներ ընդունելու որպես պատգամավորության թեկնածու, այնուհետեւ հաստատելու որպես պատգամավոր այսօրվա ԱԺ պատգամավորներից կեսից ավելին: Խոսքը ձեռնարկատիրությամբ զբաղվող պատգամավորների մասին է եւ այստեղ նշված են անուններ, այսինքն մարդիկ, ովքեր չեն էլ թակցում, որ իրենք զբաղվում են ձեռնարկատիրական գործունեությամբ: Կբացատրե՞ք Սահմանադրության 65-րդ հոդվածի խախտումը:

Բացատրեմ: ԿԸՀ-ն իր գործունեությունը կառուցում է Ընտրական օրենսգրքի հիման վրա: ՀՀ Սահամանդրությունը եւ Ընտրական օրենսգիրքը սահմանել է, թե ով կարող է դառնալ ԱԺ պատգամավոր եւ ով չի կարող դառնալ: Ընտրական օրենսգրքի համապատասխան հոդվածում գրված է, որ պատգամավորության թեկնածու չի կարող գրանցվել ոստիկանության աշխատակիցը, հարկային, մաքսային գործունեությամբ զբաղվողը: Գործարարության մասին չկա գրված: Ինչ վերաբերվում է ձեռնարկատիրական գործունեությամբ զբաղվելը, դա արդեն իրավական ստատուսով պատգամավորին է վերաբերվում: Եթե Աժն գրանցեց այդ պատգամավորին, ԿԸՀ-ն այլ գործառույթ չունի անելու, քանի որ այդ պահից սկսած` նրա գործունեությունը վարում է ԱԺ կանոնակարգով: ԱԺ կանոնակարգում գրված է պատգամավորի վաղաժամկետ լիազորության դադարեցման հիմքերը, որից մեկը հենց ձեռնարկատիրությունն է: Եվ քանի որ ստացվում են ԱԺ-ում նման դիմումներ եւ ԱԺ-ն հարցում է ուղղարկում համապատասխան մարմիններին եւ այնտեղ պարզվում է, որ պատգամավորների հարազատներն են ձեռնարկատիրությամբ զբաղվում, ոչ թե իրենք: Ի՞նչ անի ԿԸՀ-ն:

Անձնապես ձեզ է ուղղված հաջորդ հարցը: Խնդրում են բացահայտել ձեր հաջողության գաղտնիքը եւ հարցնում են` ինչպե՞ս եք այդպես ջահել-ջահել վարչապետի օգնական դառել:

Վարչապետի օգնական ինչպես եմ դառել, կարծում եմ` ինձ չպետք է հարցնեք: Արժանահիշատակ Անդրանիկ Մարգարյանին պետք է հարցնեք: ԿԸՀ-ն քարտուղար էլ դարձել եմ Հայաստանի հանրապետական կուսակցության նշանակմամբ:

Վերջին հարցը: Հարցնում են` ինչքա՞ն աշխատավարձ եք ստանում, որ այդպիսի թանկ հագուստներ եք հագնում: Հարցնում են նաեւ` գիշերները ինչպե՞ս եք քնում:

Գիշերները լավ եմ քնում: Կողմնակի եկամուտ չունեմ, միայն աշխատավարձս է եւ եթե լավ եմ հագնվում, շնորհակալություն, որ գնահատում եք:

Հարցազրույցի աուդիո տարբերակը, որը ձայնագրվել է օն-լայն հերարձակման ժամանակ կարող եք լսել սեղմելով այստեղ: Հիշեցնեմ, որ հարցազրույցը վարում էր Վիկտորիա Աբրահամյանը եւ ես` Բլանշը կամ Շուշան Հարությունյանը ներկայացնում էի ձեր հարցերը: