Արծվիկ Մինասյան. “ձերբակալությունը չէ, որ ընդդիմության կեցվածք պետք է ցույց տա”

23 05 2009

Copy of gugu

Դիանա Մ.-Այսօր արդեն ուղիղ մեկ ամիս է, ինչ Հայ Հեղափոխական Դաշնակցությունը հայտարարեց կոալիցիայից դուրս գալու մասին: Ի՞նչ է փոխվել այս ընթացքում ձեր կուսակցության եւ հատկապես ձեր կյանքում:

Մեծ հաշվով շատ բան չի փոխվել, բայց մեր կեցվածքը կառավարության հանդեպ դարձել է ավելի անզիջող, ավելի հստակ: Այն, որ մենք դուրս ենք եկել քաղաքական կոալիցիայից արտաքին հարաբերությունների պատճառով, դա չի նշանակում, որ մենք ընդդիմություն ենք միայն այդ ոլորտում: Եվ ներքին կյանքում, հետեւաբար նաեւ սոցիալ-տնտեսական մասով մենք ավելի ակտիվ սկսել ենք ներկայացրել մեր դիրքորոշումը մասնավորապես նույն կառավարության ծրագրերի մասին:

Դիանա Մ. -Այս մեկ ամսվա ընթացքում կարծես թե շատ բան չի փոխվել կառավարության ծրագրերից: Այսինքն ինչո՞ւ մինչեւ այդ դուք չէինք դրսեւորվում այդքան սուր:

Ամբողջ խնդիրը այն է, որ այս մեկ ամսվա ընթացքում Ազգային Ժողովում մասնավորապես ներկայացվեցին օրինագծեր, որոնք ուղղակի հակասում են մինչ այդ հակաճգնաժամային քաղաքականության այն ծրագրային մոտեցումներին, որոնք հայտարարեց վարչապետը Ազգային Ժողովում: Մասնավորապես հարկային փաթեթը, որ բերվեց եւ փորձ էր արվում անցկացնել խոշոր բիզնեսի նկատմամբ իբրեւ թե ճնշում գործադրելու կամ օրինական դաշտ բերելու նպատակով: Բայց ամբողջ իմաստը հարկային այս օրենսդրության այն է, որ վերջինս պիտի բյուջե լցնելու միջոց դառնա եւ նախապես հայտարարված մոտեցումները խախտվում են իսկզբանե:

Բլանշ – Ինչո՞ւ եք մասնակցում Երեւանի ավագանու ընտրություններին: Ի՞նչ կփոխվի Երեւանում, երբ ընտրվի Արծվիկ Մինասյանը:

Մասնակցում եմ, որպեսզի դառնամ քաղաքապետ եւ իրագործեմ թե կուսակցության, թե ժողովրդի ծրագրերը: Նախ քաղաքական մակարդակում շատ կարեւոր շեշտադրում եմ ուզում անել, որին քաղաքական մյուս կուսակցությունները այդպես էլ չեն արձագանքում եւ հատկապես այն քաղաքական ուժերը, ովքեր իրենց համարում են առաջատար: Դա ՀՀԿ, ԲՀԿ եւ ՀԱԿ հաշինքն է: Մենք հայտարարել ենք` մեր հաղթանակի դեպքում քաղաքապետարանի բյուջեի նկատմամբ ամբողջական վերահսկողությունը վստահելու ենք մեր քաղաքական ընդդիմախոսներին` լինեն դա կոալիցիայի ճամբարից, թե ընդդիմադիր դաշտից: Երկրորդ` մենք ստեղծելու ենք օմբութսմենի ինստիտուտ եւ ենթաինստիտուտ, որը անկախ է լինելու քաղաքապետի եւ վարչական շրջանների ղեկավարներից եւ հաշվետու է լինելու ավագանիին: Երրորդ` ձեւավորելու ենք կադրային բանկ, որտեղ են լինելու բոլոր այն անձիք` անկախ կուսակցական պատկանելությունից, ովքեր պրոֆեսիոնալ են, հայրենասեր և բարոյական: Դրան գումարած` խրախուսելու ենք երիտասարդների և կանաց ակտիվ մասնակցությունը քաղաքապետարանի կառավարման գործում: Հաջորդ կարևոր առանձնահատկությունը քաղաքական իրավունքների և ազատությունների երաշխավորումն է, որ մենք հայտարարել ենք իբրև քաղաքական կամքի դրսևորում: Եվ ամենակարևորներից մեկը` կոռուպցիայի իսպառ բացառում կամ առնվազն առաջիկա տարիներին դրա այնքան նվազեցում, որ հնարավոր լինի նաև օրինակ ծառայեցնել այլ մարմինների համար:

Բլանշ -Մեր ընթերցողներից Արմանը հարցնում է, թե ի՞նչպեսի մեխանիզմներ եք մշակել որպեսզի սաստկեք օլիգարխիկ արանձնախավի սանձարձակություները ուղղված Երևանցիների շահերի դեմ: Ապա նաեւ պարզաբանում է հարցը, գրելով` “Դաշնակցության” կոալիցիայից դուրս գալուց հետո իշխանություններին հենարամ մնաց միայն օլիգարխիկ արանձնախավն է:

Քանի որ մենք ընտրություններին մասնակցում ենք կոնկրետ մեր ծրագրային դրույթներով եւ հայտարարում ենք, որ ազգային քաղաքապետարանի ձեւավորումը պետք է լինի նպատակ, իսկ քաղաքապետը պետք է լինի ազգային պետական գործիչ, հենց ասվածը կարեւոր քայլերից մեկն է: Եվ եթե հասարակությունը ճիշտ գնահատի այս իրավիճակը, ընկալի որ իսկապես քաղաքապետը պետք է լինի ազգային գործիչ եւ ոչ թե այս կամ այն օլիգարխին սպասարկող անձ, այս կամ այն բիզնեսը զարգացնելու նպատակով կամ կլանային համակարգը ձեւավորելու նպատակով անձ կամ անձ, ով ազգային գաղափարախոսությունը կարող է քաղաքական կեղծ կատեգորիա համարել եւ հետո ձեւակերպել իբրեւ ազգային նպատակների իրագործում…. Հենց սա է պայքարի այն առանցքը, ուղղությունը, մեր առաջարկը, որը կարծում եմ, եթե միանան հասարակության անդամները մեզ, այդ դեպքում մենք կլինենք իրական հակակշիռը կենտրոնական իշխանությունների, այդ թվում նաեւ այն օլիգարխիկ տնտեսական իրավիճակին, որ այսօր ցավոք ստեղծված է Հայաստանում: Երեւանը կարող է հակակշռել, զսպել կենտրոնական իշխանությունների կոմից վարվող քաղաքականությանը, մասնավորապես Երեւանի շահերին վնասող:

Բլանշ -Հայկը գրում է` դուք դեմ եք բիզնեսի և իշխանության սերտաճմանը, բայց խոշոր բիզնեսմեն Արամայիս Գրիգորյանը դաշնակցական նախարար էր: Կոնկրետ դաշնակներից ու՞մ է պատկանում Հայաստանում ամենամեծ շինանյութի շուկան` Տուն Դեպոն: Ո՞վ է դաշնակներից “ընտանեկան լոտոյի” խոշոր փայատերերից: Ճի՞շտ է, որ դաշնակցությունը շատ խոշոր ու մեծ բիզնեսների ու ունեցվացքի տեր են և նրանց ունեցվածքը համեմատելի է Հայաստանի երկու-երեք օլիգարխի ունեցվածքի:

Դա իհարկե արդեն հեքիաթների դաշտից էր սա: Ես կարծում եմ մեր հարգարժան հարց տվողը հավանաբար հստակ չի տիրապետում տեղեկատվությանը, մասնավորապես խոսքը գնում է հասարակական-քաղաքական գործիչների մասին: Այսօր, թե Աժ-ում, թե Աժ-ից դուրս դաշնակցության քաղաքական գործունեությունը ներկայանցող անձանց մեջ չկան այնպիսիները, որոնք բիզնեսով են հանդես գալիս: Ինչ վերաբերվում է պատգամավոր, Ավշարի գինու գործարանի խոշոր բաժնետիրոջը` Արայիկ Գրիգորյանին, պետք է ասեմ, որ նա դաշնակցական չէ, ինչպես որ դաշնակցական չէ նաեւ “Գրանդ Քենդի” ընկերության սեփականատեր Կարեն Վարդանյանը, թեեւ շատ ազնվագույն մարդիկ են եւ նախորդ օրերին նույն Կարեն Վարդանյանի կեցվածքը դուք տեսակ, ասենք հենց հարկային օրենսդրության վերաբերյալ: Նաեւ Արայիկ Գրիգորյանը, ով շատ ակտիվ է հանդես է գալիս, եթե հրապարակային ելույթներով հանդես չի գալիս, ապա խմբակցության ներսում հարցադրումներ է անում: Ինչ վերաբերվում է այլ բիզնես ուղղությունների թվարկումներին, պետք է ասեմ, որ ցավոք, այսօր Հայաստանում բիզնես ունենալը եւ քաղաքականության մեջ այդ բիզնեսը պահելը դարձել է օրինաչափություն: Մեր խնդիրն է, որպեսզի անկախ կուսակցական պատկանելությունից, անկախ այս կամ այն ուժի` նրան նկատմամբ համակրանքից, վերացնել այս կապը: Եւ քանի դեռ մենք չենք հասել ամբողջական համակարգային փոփոխությունների այդ ոլորտում, անընդհատ նման փոխադարձ մեղադրանքներ կհնչեն, բայց փոխադարձ մեղադրանքներով չէ, որ կարող ենք առաջ շարժվենք: Մենք պետք է համակարգային փոփոխություններ առաջարկենք:

Դիանա Մ. – Այ դուք պայքարում եք կոռուպցիայի դեմ, հայտարարում եք դրա անհրաժեշտության մասին, բայց ավանդաբար ամենակոռումպացված համակարգերը եղել են առողջապահության եւ կրթական համակարգերը , որոնք տարիներ շարունակ ղեկավարել է դաշնակցությունը: Ի՞նչ էր էր խանգարում ձեզ այս քան տարի պայքարել եւ արմատախիլ անել կոռուպցիան:

Իսկապես կոռուպցիան համակարգային երեւույթ է եւ եթե ամբողջ պետական կառավարման համակարգում այս որդը տարածված է, չի կարող մի մասում ընդհանրապես չլինել: Կարող է լինել քիչ, բայց ընդհանրապես բացառել հնարավոր չէր: Եվ դա էր պատճառը, որ եթե վերցենք ու դիտարկեք, նույն առողջապահության ոլորտում ես կարծում եմ Նորայր Դավիդյանը այն անձանցից է, որ կոռումպացված չի եղել կամ այլ հարթության մեջ է, չի կարող համեմատվել այլ անձանց հետ: Ինչ վերաբերվում է կրթության նախարությանը, կրթության նախարարությունը իսկապես պատասխանատվություն է զգում կրթության ոլորտի համար: Սակայն այստեղ կա շահերի բախում: Դպրոցները այսօր գտնվում են Երեւան քաղաքում քաղաքապետարանի իշխանության ներքո, բայց տեսեք ինչ է կատարվում, ամբողջ դպրոցական կազմում քաղաքական ճնշում է: Եվ այս պայմաններում սա էլ է կոռուպցիայի դրսեւորումներից մեկը եւ քաղաքական կոռուպցիա է այն: Հնարավոր չէ մաքրել այդ ամեն ինչը, եթե չունենաս քաղաքական կամք: Եթե հանրապետության նախագահի մակարդակով այդ կամքը դրսեւորվի, անպայման այն էական ազդեցություն կունենա եւ քանի որ քաղաքապետը ընտրովի է եւ քաղաքապետի անձից կախված է շատ բան, այդ կամքը դրսեւորելու է նա: Եթե լինի անձ, ով իսկապես այդպիսի կամք կդրսեւորի, ես վստահ եմ թե դպրոցներում, թե քաղաքապետարաններում, թե թաղապետարաններում, թե սեցիալական ծառայություններում ու քաղաքապետարանի ենթակա բոլոր կառույցներում ոչ միայն էականորեն կարող է կրճատվել, այլ առանձին դեպքերում կարող է իսպառ վերացվել այն:

Դիանա Մ.-Դուք այսօր քննադատում եք այն, ինչ առնվազն 10 տարի արվում է ձեր աչքի առաջ կոալցիայաի անդամ լիենելու եւ պատասխանատվությունը կիսելու պատճառով: Ինչու ժամանակին դրա դեմ չէիք ըմբոստանում: Ասենք չէ, որ ծառահատումներն ու ապօրինի շինությունները այս մի ամսվա ընթացքում չէ, որ…

Ես ցավում եմ, որ հարց տվողները չեն հետեւել դաշնակցության կեցվածքին, մեր խորհրդարանական խմբակցության գործողություններին. հարցադրումներ, կոնկրետ փաստեր եւ դրանց համապատասխան կոնկրետ պահանջներ: Սակայն այլ բան է, երբ դու կարողանում ես ազդել գործընթացի վրա ուղղակիորեն, այլ բան է, երբ անուղղակիորեն ես փորձում ճնշում գործադրել: Մենք լինելով նախորդ կոալիցիայի մեջ 10 նարիների, իսկապես փորձեցինք, սակայն ոչինչ չհաջողվեց: Հիմա մենք հույս ունենք, որ ընդդիմադիր դաշտում մեր ձեռքերը ավելի ազատ վիճակում շատ ավելի համախմբված ձեւով ազգային ընդդիմության որպես առաջատար ու նաեւ, չեմ ասում որ մենք մենակ, այլ նաեւ շատ այլ ուժեր, ինչպիսին “Ժառանգությունն” է եւ հայրենասիրական այլ ուժեր, կկարողանանք միավորվել եւ համակարգային լուծումներ տալ այս ամենին:

Դիանա Մ.- Այ արդյո՞ք ճիշտ չէր լինի մնալ իշխանության մեջ եւ բռնել այն ձեռքը, որը ուզում է ազգային կամ պետական շահին հակասող հայտարարություններ ստորագրել, քաղաքականություն վարել:

Ամբողջ ցավը հենց այն է, որ մենք փորձ անելով կոալիցիայի մեջ մնալ եւ ստորագրելով 22 առաջնահերությունների տակ`փորձեցինք այդ մեխանիզմները առավել ամբողջական դարձնել: Նախորդ անգամ չկար ամբողջական պատասխանատվության ինստիտուտը: 2008թ մարտի 21-ի կոալիցիոն հուշագրով նշված էր ամբողջական պատասխանատվությունը եւ մեխանիզմները, թե ինչպես դա պետք է իրագործվի, սակայն այդ հուշագիրը խախտվեց: Խախտվեց կոալիցիոն մյուս գործընկերների կողմից եւ մենք իբրեւ քաղաքակիրթ աշխարհին հարիր քաղաքական ուժ, խզեցինք մեր կապը նրանց հետ եւ դուրս եկանք կոալիցիայից: Մեր խնդիրը ոչ թե թողել իշխանությունը սխալվի, հետո հարվածել, այլ թույլ չտալ, որպեսզի իշխանությունը չսխալվի, հատկապես ազգային հարցերում:

Բլանշ – Երեւանի քաղաքապետի թեկնածու Արծվիկ Մինասյանի ամենասիրելի անկյունը Երեւանում ո՞րն է եւ որտե՞ղ է սիրում Արծվիկ Մինասյանը անցկացնել իր երեկոները:

Ես Երեւանի շատ վայրերում եմ սիրում լինել, թե Մոնումենտի այգին, թե կոնտրոնում Բայց շատ հաճախ ես սիրում եմ զբոսնել հենց Հյուսիսային պողոտայում, որովհետեւ այստեղից իսկապես ազատության շունչ է գալիս: Հուսով եմ քաղաքապետ Արծվիկ Մինասյանի պարագայում այն ավելի կգեղեցկանա, ավելի ազատական կդառնա, ազատ կդառնա մարդկանց ելումուտի համար եւ նաեւ լավ պայմաններ կստեղծվեն մարդկանց ազատ տեղաշարժի պայմանները ապահովելու տեսանկյունից: Մյուս կողմից ես շատ եմ կարեւոր կանաչ տարածքների անհրաժեշտությունը եւ այն, ինչ կա, ցավոք սրտի ոչ միայն բավարար չէ, այլ նաեւ էականորեն մարդու զբոսնելու իրավունքը, եթե էսպես ձեւարեպեմ: Եւ իմ կարեւոր ծրագիրներից մեկն էլ հենց դալմայի այգիները իսկապես հանրային զբոսավայր վերածելու գաղափարն է, շուրջ 250 հեկտար տարածք, առանց որեւէ կրպակների, փոքրիկ լճակներով գեղեցիկ զբոսայգի, որտեղ մարդիկ իրենց ընտանիքներով կարողանան գալ, զբոսնել, հանգստանալ, իսկ դա, կարծում եմ, երազնաք է, որը կարող ենք իրականացնել:

Բլանշ – Մեր ընթերցողներից Անն-ին հետաքրքրում է` կարդացե՞լ եք արդյոք Լեոյի “անցյալից” հուշագրությունը:

Լեոյից շատ բան եմ ուսումնասիրել, սիրում եմ թե հայ գրականություն, թե արկածային գրադարան, ինչպես նաեւ պատմական գրականություն եմ սիրում, ուսումնասիրել եմ: Ցավոք հիմա շատ ժամանակ չեմ ունենում գեղարվեստական գրականություն կարդալու, բայց գրեթե շաբաթը առնվազն երկու անգամ ես ուսումնասիրում եմ ՀՅԴ մեծերին նվիրված գործերը: Նաեւ իմ անբաժանելի մասն է կազմում Աստվածաշունչը:

Դիանա Մ -Հավատո՞ւմ եք արդար ընտրություններին:

Ես հավատում եմ իմ կամքին, կուսակցության կամքին եւ հավատում եմ այն ձգտմանը, որ մենք կարող ենք կազմակերպել: Սա է հիմնական խնդիրներից մեկը: Մյուս բոլոր քաղաքական ուժերը, ովքեր հայտարարում են, որ արդարության կողմն են, թող գոնե մեկ անգամ, առաջին անգամ մայրաքաղաք Երեւանում արդար ընտրություն ապահովեն: Այդ դեպքում, անկախ նրանից ով կընտրվի, վստահ եմ, որ մյուս ուժերը կշնորհավորեն, դաշնակցությունը իր դրական վերաբերմունքը ցույց կտա եւ այն անձը, որը այսպիսի ընտրություններով գա իշխանությունը, կլինի ավելի ուժեղ եւ ավելի կամքով հարուստ: Պատրաստ ենք համագործակցության ցանկացած ուժի հետ, ով կուզենա մասնակցել արդար ընտրությունների կազմակերպմանը, այդ թվում նաեւ ՀԱԿ-ի:

Բլանշ- Մեր ընթերցողներից “Լրագրող 21” հարցնում է` որն էր կոալիցիայից ձեր դուրս գալու իրական պատճառը: Ապա նաեւ գրում է, որ հաճախ տրանսպորտում, ինչ որ անկյուններում լսում է, թե մարդիկ խոսում են`Դաշնակցությունը դուրս եկավ, որպեսզի Սերժ Սարգսյանը կարողանա Միջազգային կառույցների մոտ ասել, թե Թուրքիայի հետ հարաբերությունները իր երկրի ներսում էլ լավ չի ընդունվում, հետեւաբար այլ զիջումների չի կարող գնալ:

Տա աստված, որ այդպես լինի: Որ նախագահը կարողանա, որ մենք այնքան ուժ ունենանք ներսում, ազգային ուժերով հանդերձ, որ կարողանանք իսկապես հակակշռող լինենք եւ թույլ չտանք, որպեսզի մեր իշխանությունները սխալվեն: Իսկ այն, որ ֆուտբոլային դիվանագիտությունը այլեւս, մեր գնահատմամբ, տանուլ է տրված, դա փաստ է, որ ազգային հարցում չի կարող այնպես լինել, որ մենք կոալիցիայից դուրս գալով ինչ-որ ստվերային պայմանավորվածությունների մեջ լինենք այլ ուժերի հետ: Մեր գերխնդիրը եղել եւ դա պատճառն է ազգային հարցում, հայ-թուրքական հարաբերությունների հարցում առանց նախապայմանների հայտարարված քաղաքականությունը խախտվել է: Մենք այսպես ենք գնահատում եւ մտահոգություն ունենք, որ կարող ենք ավելի մեծ տանուլ տալ ու դրա հետեւանքը լինի այն, որ մեր սերունդների իրավունքը այսօր պարզապես ոչնչացնենք, ինչը մենք չենք ցանկանում:

Դիանա Մ. – Դուք հայտարարում եք, որ ընդդիմություն եք, ինչո՞ւ ձեր կարծիքով ձեր ընդդիմությանը չեն նեղում. դաշնակցական գործիչներին չեն ձերբակալում, բիզնեսը դաշնակցականների ձեռքից չեն խլում, հանրահավաքները չեն խոչընդոտում: Սրանք են մեր երկրում ընդդիմություն լինելու իրական հետեւանքները:

Ես ցավում եմ, որ մեզ մոտ ընդդիմությունը միշտ ընկալվել է հալածյալի կարգավիճակով: Մենք պետք է կարողանանք նաեւ քաղաքակիրթ մշակույթ այս ոլորտ բերել, բայց այն որ բացարձակ հալածանք կամ ճմշում չկա մեր նկատմամբ, այդպես չէ, քարոզարշավը պարզ վկայությունն է այն բանի, որ շատ լրատվամիջոցներ պարզապես իրենց տեղեկատվական համակարգերը փակել են մեզ համար, թույլ չեն տալիս եթեր դուրս գանք, կամ առնվազն լուրերը չեն մեկնաբանում: Բայց դրանից պետք չէ հուսահատվել, ձերբակալությունը չէ, որ ընդդիմության կեցվածք պետք է ցույց տա, կարեւորը ճշամարիտ, արդարամիտ խոսքն է:

Բլանշ-Նույն թեմատիկայով շարունակենք. մեր ընթերցողներից Հայք(Արմենիա)-ն գրում է, որ Ձեր կուսակցական ընկերներից Արմեն Ռուստամյան ասաց, որ Դաշնակցությունը ընդդիմություն է ներկա ընդդիմությանը/ՀԱԿ-ին/: Ապա հարցնում է` դուք էլ ե՞ք ընդդիմություն Կոնգրեսին:

Եթե արտաքին հարցերի մասին է խոսքը, ապա այսօր, ցավոք, պարոն Լեւոն Տեր-Պետրոսյանի` առաջին նախագահի արտահայտած դիրքորոշումը, ավելի նման է իշխանության դիրքորոշմանը եւ այստեղ մենք ընդդիմություն ենք բոլոր այն անձանց, ովքեր գտնում են, որ հայ-թուրքական հարաբերությունները պետք է կարգավորել ամեն գնով: Ազգային հարցում չի կարելի զիջումներ կատարել եւ այդ ազգային հարցի 5 բաղադրիչները որեւէ մեկը մյուսի զիջելով հարավերություններ կարգավորել, անթույլատերլի է: Պատճառը նաեւ այն է, որ այսօր Թուրքիայի միջազգային պարտավորությունը սահմանը բացելու եւ հարաբերություններ հաստատելու, ցավոք, այսօր Թուրքիան իր համար դարձրեց որպես միջազգային իրավունք:

Դիանա Մ.-Դուք երեկ խորհրդարանում հայտարարեցիք, որ գլխավոր հավաքարարի պաշտոնի ընտրության է պատրաստվում իշխանությունը: Ընդդիմության համար սա սահմանադրական կարգը վերականգնելու ճանապարհ է, ձեզ համար ի՞նչ է քաղաքապետի պաշտոնը:

Ինձ համար սա ազգային պետական քաղաքական գործիչ ընտրելու, քաղաքապետարան ձեւավորելու քաղաքական ինքնություն է, որտեղ պետք է ձեւավորվի նաեւ կառավարման նոր մշակում, նոր մոդել, ինչը կարող է իրական հակակշիռ ու զսպման համակարգ դառնալ կենտրոնական իշխանություններին նաեւ իր դրական ազդեցությամբ ազդի Հայաստանի ներկայիս սահմաններից դուրս` ինչպիսին Ջավախքն է, Արցախն է եւ հայաշատ այլ բնակագառներ:

Հարցազրույցի աուդիո տարբերակը, որը ձայնագրվել է օն-լայն հերարձակման ժամանակ կարող եք լսել սեղմելով այստեղ: Հիշեցնեմ, որ հարցազրույցը վարում էր Դիանա Մարկոսյանը եւ ես` Բլանշը կամ Շուշան Հարությունյանը ներկայացնում էի ձեր հարցերը: Այն հարցերի պատասխանները, որոնք ժամանակի սղության պատճառով տեղ չեն գտել այս հարցազրուցում, մենք կփորձենք ստանալ դրանց գրավոր պատասխանները:


Actions

Information

13 responses

25 05 2009
Arman

Կցանկանայի շնորհակալություն հայտնել Ա1-ին ընձեռելով ինձ հնարավորություն հարց ուղղել Արծվիկ Մինասյանին և նույնպես շնորհակալություն հայտնել Արծվիկ Մինասյանին հարցիս անպատասխան չթողնելու համար: Հույսով եմ որ ժողովուրդը կկատարի ճիշտ ընտրություն ընտրելով Ձեզ որպես քաղաքապետ: Մեզ այսոօր հարկավոր են ազգային մտածելակերպ ունեցող առաջնորդներ որոնց սիրտը կցավէ յուրաքանչուր հայի համար:

25 05 2009
Վազգեն_Պ

Ստախոսություն, պոռոտախոսություն և դեմագոգիա. ահա այն տպավորությունը, որ ստանում ես սույն կոմսոմոլատիպի կարիերիստի պատասխանները կարդալուց հետո (ներողություն եմ խնդրում ընթերցողներից այսպիսի «խիստ» որակումների համար, բայց սա դեռ շատ մեղմ որակում է):
Հարցազրույցից մի բան շատ ակնհայտ է` ՀՅԴ-ն ստանձնել է այն դերը, ինչն ուներ ՕԵԿ-ը նախագահական ընտրությունների ժամանակ` Տեր-Պետրոսյանի նկատմամբ պրոպագանդայի միջոցով որոշակի խավի մարդկանց ենթագիտակցության մեջ ներարկած հակակրանքը հաշվի առնելով` այդ ձայները չեզոքացնել դեպի ՀՅԴ տեղափոխելով:
Նախ, շեշտենք այն ստերը, որոնք լկտիորեն (Բլանշ, Ձեր ներողամտությունն եմ հայցում, բայց այլ որակում տալ չեմ կարող) ասում է սույն երիտասարդը.
մեջբերում
• Մենք լինելով նախորդ կոալիցիայի մեջ 10 տարիների, իսկապես փորձեցինք, սակայն ոչինչ չհաջողվեց:
-ու՞ր են փաստերը:
ՀՅԴ-ն պայքարել է կոռուպցիայի դեմ, բայց դա նրան չի հաջողվել, որովհետև իշխանության մի մասն է իրենցը եղել, դե այդ պատճառով էլ երևի Դավիթ Լոքյանի որդին նրա նախարար աշխատած տարիներին աշխատավարձով ձեռք բերած առանձնատանը ճապոնական օգնության տրակտորը որպես հեծանիվ էր քշում:
մեջբերում
• մենք իբրեւ քաղաքակիրթ աշխարհին հարիր քաղաքական ուժ
քաղաքակիրթ աշխարհ ասելով նկատի ունի վերջին 10 տարում Հայաստանում հաստատված բարքե՞րը ու սեփական մասնակցությու՞նը մարդկանց տներից վտարելուն, քրեական ռազբորկաների մասին ձևական դատապարտումներն ու անգործությունը, Ռուստամյանների ստերը Եվրոպայում իբր “աղբը տնից դուրս չհանելու” տրամաբանությամբ:
մեջբերում
• որ դաշնակցական չէ նաեւ “Գրանդ Քենդի” ընկերության սեփականատեր Կարեն Վարդանյանը, թեեւ շատ ազնվագույն մարդիկ են
ի դեպ, սույն “ազնվագույն” անձնավորությունը պատերազմի ժամանակ զինակոչային տարիքի էր ու քանի որ պապան լավ փողեր ուներ, ենթադրաբար հակակոռուպցիոն ՀՅԴ-ի աջակցությամբ խուսափեց բանակում ծառայելուց` ճողոպրելով Կանադա, իսկ հիմա պատգամավոր է նույն պապայի փողերի շնորհիվ` հակակոռուպցիոն ՀՅԴ-ի աջակցությամբ
մեջբերում
• Եթե արտաքին հարցերի մասին է խոսքը, ապա այսօր, ցավոք, պարոն Լեւոն Տեր-Պետրոսյանի` առաջին նախագահի արտահայտած դիրքորոշումը, ավելի նման է իշխանության դիրքորոշմանը եւ այստեղ մենք ընդդիմություն ենք բոլոր այն անձանց, ովքեր գտնում են, որ հայ-թուրքական հարաբերությունները պետք է կարգավորել ամեն գնով:
Այ սա ամենալկտի սուտն է` Տեր-Պետրոսյանին վերագրել ամեն գնով թուրքերի հետ համաձայնության գնալն ու ներկա իշխանությունների հետ նրա դիրքորոշումների համընկնումը, ընդ որում սա տեղի անտեղի ընդգծում են իրենց “անկախ” ու “չեզոք” հռչակած զանազան “վերլուծաբաններ”: Դրա պատասխանը տվել է առաջին նախագահը և ավելորդ անդրադարձն իմաստ չունի:
Իսկ հիմա անցնենք սույն “գործիչի” դեմագոգիկ հայտարարություններին:
Տեղի-անտեղի “ազգային” կամ “ապազգային” կարծրատիպերի ներդնումն ու անիմաստ շահարկումը մի երկրում, որտեղ բնակչության 90 տոկոսից ավելին հայեր են, աբսուրդ է, ընդ որում սրանց` դաշնակներին ու նաև կոշտ ռ-ով մտավորականներին թվում է, որ ինչքան շատ ու բարձր բղավեն իրենց ազգային ու հայրենասեր լինելու մասին, այնքան իրենք “ազգային ու հայրենասեր” են ու իրենց հավատացողներ պիտի լինեն:
Մեջբերում
• անձ, ով ազգային գաղափարախոսությունը կարող է քաղաքական կեղծ կատետեգորիա համարել եւ հետո ձեւակերպել իբրեւ ազգային նպատակների իրագործում
Այն, որ ազգային գաղափարախոսությունն քաղաքական կեղծ կատեգորիա է, դա քաղաքագիտական աքսիոմա է, և եթե սույն անձը դա չգիտի, ուրեմն տգետ է, եթե գիտի` ստախոս, հասկանալի է, որ հիմնադիր նախագահին չսիրողների խմբին է պատկանում, բայց տեղի անտեղի անիրազեկների համար նախատեսած այս տխմարությունն ասելուց առաջ գուցե մի անգամ ընթերցեր Տեր-Պետրոսյանի պարզաբանումներն “ազգային գաղափարախոսության” մասին ու հերքեր նրա փաստարկները:
Իսկ սույն գործիչի մասնակցությունը Նիկոյանի ծածկադմբոցային հանձնաժողովին ու իբր արդարացի, թույլատրելի շրջանակներում, “դիրքորոշումն” այնտեղ` երկրորդական հարցերում, որով ռեժիմին հնարավորություն է տալիս արտաքին աշխարհի առջև օբյեկտիվություն խաղալուն, դե տեսեք “կառուցողական” ընդդիմությունը քննադատում է, ավելի քսմտնելի է, քան ընդհանրապես չմասնակցելն ու նաև ՀԱԿ-ին մեղադրելով այդ հանձնաժողովին չմասնակցելու համար մի բան են ապացուցում, որ ՀՅԴ-ն ընդդիմություն չէ, այլ հերթական օղակ` դհոլից ու ախքից հետո անիրազեկ ու “ազգային” բառը լսելով տրանսի մեջ ընկնող մարդկանց թյուրիմացության մեջ գցելու համար:
Իրականում ՀՅԴ-ն իր հարյուրամյա պատմութունով հանդերձ ավելի քիչ է ազգային քան Աշոտ Բլեյանը, որովհետև ազգային դա տեղի անտեղի այդ բառի գործածությունը չէ, այլ սեփական ազգի պետականության ամրապնդումը` հաշվի առնելով արտաքին ու ներքին հնարավորությունները սեփական երկրի քաղաքցու համար նորմալ ու բնականոն կյանքի պայմաններ ստեղծելը, և ոչ թե հանուն ազգային իղձերի մասնակցել սեփական ժողովրդի քրեական տարրերի կողմից ճորտացմանը:
Իսկապես, եթե ուսումնասիրում ենք իշխող խուժանի գաղափարախոսությանը, ապա բոլոր անօրինականություններն արվում “հանուն ազգային իղդձերի” ու այդ ամենի գաղափարախոսական հենարանը ՀՅԴ-ն է:

26 05 2009
Sovorakan Hay

Hargeli Blansh,

Duk amenashat-e “levonakan” harcer eyik tvel Artsvik-in. Isk im harc-e te Dashnaktsutyun-e koghm a haykakan Nyuremberg kazmakerpelu yev ckyans bantarkutyan datapartelu levon-alik-vano kochecyalnerin cheyik harcrel. Vochinch.

Hay zhoghovrd-in koch em anum qvearkek HHK,BHK,Dashnak,Orinats, tekuz HASK, partutyan matnelu hamar azg-i “cancer” levonakannerin. Yev inch a partutyun-e sranc paragayum? Havakel voch aveli qan 15-20%. Aysinkn karevor a vor srank darnan avagani, darnan karavarutyan cicagheli mas yev chkaroghanan irenk irenc “opozicya” kochen. Aha sa e sranc partutyun-e. Yev hasnelu enk dran.

26 05 2009
Վազգեն_Պ

Իմ մեկնաբանությունը չի գրանցվել, Բլանշ, ի՞նչն է պատճառը:
Ավելացնեմ. սույն գործիչն ազգայնական սոուսի տակ ուզում է ներկայանալ իբր արդար, ազնիվ մարդ, որն իրականությանը չի համապատասխանում: ՀՅԴ-ի դերն այս ընտրություններում ԱԽՔ-ի գործառույթի շարունակությունն է՝ մարդկանց թյուրիմացության մեջ գցելու իմաստով:
Իսկ մարդ եթե պարկեշտ է, ապա կանգնում է ճշմարտության կողքին, անկախ նրանից, կեղեքվողին համակրում է թե չէ, այլ ոչ թե մասնակցում հանցագործությունները թաքցնելու համար ստեղծված հանձնաժողովին ու պոռոտախոսությամբ մարդկանց ինչ-որ խորհուրդներ տալիս, թե միացեք, էլի, միասին արդարացնենք հանցագործներին:

27 05 2009
Haykk

mer hargarjan harcerin patasxanox havanabar chi haskanum, vor sa dashnakcutyan hanrahavaq che, vortex masnakcum en mi 10 erexa, mi 5 tatik-papik u mi 5 hogi teri mijnakarg krtutyamb mardik.
Ays kayq baci mi qani zombineric himnakanum kardum, grum, aycelum en mtacelu hndunak mardik um nman anorosh, lxozvac u tapak patasxannerov ches xabi.

nuynisk es aveli mec karciqi ei Arcviki masin qan na` pastoren irakanum ka.
arcvik Minasyan ayspes nuynisk eg aryuci axqikac erkric, hask-ic u alm-ic qich dzayn khavaqeq dashnakner.

harceri grete 80% mej aknhayt en sut, kexciq, anoroshutyun, ankaroxutyun, ancharutyun, xabelu fracnelu, molorecnelu cankutyun.

Jamanaks chem vatni dranc arandzin andradarnam, ete klinen mardik, vor hakarak karciqi en ev patrast en pasterov, krknum em pasterov hakadarcel, patrast em banavichel u apacucel im asac.

P.S. bayc ankexc voreve mekd, nuynisk dashnakneri nkatmamb 100% bacasakan karciq unecoxnerd kpatkeracneiq, vor dashnakner aysqan knknen, kijnen u aysqan xxchuk vichakum klinen.

Che ov inch uzuma asi, amen mek vax te ush kyanqum hst arjanvuyn ira hasanelin stanum.

27 05 2009
menk

ES SHAT HAMAKRUM EM PARON MINASYANIN EV KUZENAYI NRAN TESNEL AVELI VEREVNERUM KANI VOR SHAT XELACI E EV AZNIV:
MAXTUM EM NRAN HAJOXUTYUN AYS PAYKARUM:

27 05 2009
Hayq (Armenia)

Dashnakner@ voch miayn piti aysqan @nknerin, ayl @ndhanrapes der 1890-in chpiti steghcvein u ahabekumneri mijocov minche hima qarsh gayin.
Joxovurd@ verjapes piti haskana, te inch e asy kusakcutyun@, te inch e arel azgi glxin: Joxovurd@ piti @nkali verjapes, vor 17 tarva mej edqan hox chkorcrec, inchqan dashnakneri karavarman u xekavarman jamanak. Poghanak amotic getin@ mtnen, der irenc patmutyunn e uzum hishecnel; Mekn el harcni. ed patmutyan mej mi hat lusavor ket cuyc tur, tesnenq du inch es arel azgi ahamr, baci uteluc?

27 05 2009
Gev

ay…..Hayq. yete dashnakcutyun@ 1890 tvakanin chstexcver Talitin qo pornik papner spanelu?? chem karcum! ays kusakcutyun@ azgin arajin ankaxutyunnnna tvel!!! Aram Manukyan@ HAKI Manukyan Aramiki het voch mi kap chuni!!! patmutyun sovori

27 05 2009
Gev

yete dashnakcutyun@ 1890 tvakanin chstexcver Talitin qo xeloq papner spanelu?? chem karcum! ays kusakcutyun@ azgin arajin ankaxutyunnnna tvel, Gharabaxum voxch ppartizanakan sharjumna kazmakerpel, aysor el erkri hamar hrajarvela ishxanutyunic!!! Aram Manukyan@ HAKI Manukyan Aramiki het voch mi kap chuni, vochel Tatul Krpeyan@ dzer LEDYneri kam Sosunneri!!! patmutyun sovori kozeel!!!

27 05 2009
Hayq (Armenia)

Chhamardzakves banavechin andznakan erangner tal verjin aycelu!!! Hakarak depqum aynspes kpataskhanem, vor anund el kmoranas. Dadrecrecinq ayd tipi anmakardak xosakcutyunner@!!!

Hima sirelid u “heros” dashnaknerid masin asem; Dashnakner@ ete takanq xaxer chxaxayin, taleat@ glux@ vercrel u patov er tvel, vor karogh er cexaspanutyun anel? Lsir, patmutyunic mxonnerov heru, kam kuroren dashankizimin havatacox gitun, Armen Garon cher rusakan shpion@ Taliati mot? Asa tesnem? Ruben Ter-Minasyan dasaliq@ cher mer hramanatar@, vortegh xaytarak partvecinq turqerin? Simon Vracyan@ cher 1912 i apstambutyan xaytarak partutyunic heto banker@ talanac u goghacac voskiner@ irenov arac@? Ov er ? Karogh a jxtes, vor 1890in mer petutyan amenaglxavor tyurimacutyun dashnaknerin steghcaca Miqayel Qristaporyan anvamb terorist@ cher, vor harustneric pogh er xlum` ahabekumnerov, ibr piti zenq arner Sasuni u Vani lernakanneri hamar, bayc irakanum ira hamar er caxsum? Nuyn dashnakner@ chein, vor 1990-ak skzbnerin paterazmi vaxt ekel u mitin ein anum???? Iranq chein kogh ankakhutyan@, bayc dem anjatoghakanutyan@????

Irenq en azgi hamar mtacelov durs ekel koaliciayic???? De inchi Vahanin Serj@ chi akalanavoruM. aravel evs, vor nra handep gorc@ der pakvats el chi? INchi erkir-median chi pakvum? De, asa tesnem, ete erkri artaqin qaxaqakanutyun@ vatn a, u dashnakner@ dra hamar en durs ekel, ba inchi chen pahanjum Serji hrajarakan@?????????

HArcer en, voronc pataskhan@ du u qez pes ed axandavaorakan kusakcutyan@ havatacox shater@ chen karogh pasatkhanel.

Tatul Krpeyann el vor hima kendani liner, ktqer dzer kusakuctyan vra, u dra hamar bantum kliner: Dzer dashnak @nkerner kan, vornq minchev hima el bantum en, de ete irar havatarim u azgin sirum eq, ete aydqan anmegh eq, ba inchi Mnjoyanin cheq azatum? ????????????????????????????????????????????????

Amot a, gone lreq u menak, ete karogh eq angam, spyurqin khabek u pogher@ vercreq!!!!!!!!!!!!!!!!!!!!!!!!!!!!!!!!!!

28 05 2009
Վազգեն_Պ

Gevin
ՀՅԴ ԿՈՉՎՈՂ ԱԽՄԱԽՈՒԹՅՈՒՆԸ չէ՞ր եղբայրացել թալեաթների հետ ու 1914 թվին զինաթափել հայ ժողովրդին նրանց պահանջով , որն էլ բերեց Եղեռնին: Դաշնակներն ազգին հայտնի կենդանու տեղ դնելու փոխարեն ավելի ճիշտ կլինի խոստովանեն, որ Եղեռնը չէր լինի, եթե իրենց ախմախ ու բովանդակությամբ դեմագոգ ու ստախոս, էությամբ հակահայկական ու “ազգային” ու “հայրենասիրական” բառերը “սեփականաշնորհած” լինելով կարող են հիմարացնել միայն քեզ նման մտածելու անընդունակ զոմբիներին:
Իսկ Ղարաբաղի պայքարը կուսակցականացնողնեևը ամենաապերախտ մարդիկ են, որովհետև այնտեղ կռվում էր հայ ժողովուրդը` անկախ կուսակցական լազմակերպությունից, իսկ այն, որ ԿԳԲ-ն զինել էր դաշնակցությանն ու դրանով հայրենասեր կամավորներին զուտ զենք ունենալու համար դաշնակ պիտի դառնային, որովհետև նրանց համար կարևորը կռվելն էր ու այդ մարդկանց` դաշնակների տեսակարար կշիռը կռվողների մեջ չնչին դեր է խաղացել, իսկ կռվող երկրում իրավիճակն ապակայունացնելն ու Հայաստանի ղեկավարության` դիվանագիտական նկատառումներով սեփական իրական դերը չցուցադրելն օգտագործելը ՀՅԴ-ի կոմից այդ կուսակցության անբարոյակաոիթյան ու հակահայկականության ամենամեծ ապացույցն է:
ՀՅԴ-ն պետք է հայ ժողովրդից ներողություն խնդրի իր ախմախության պատճառով Եղեռնին մեղսակցության համար ու ինքնալուծարվի, եթե իրոք ցանկանում են հայ ազգի բարգավաճմանը:

29 05 2009
Վազգեն_Պ

Gevin
ՀՅԴ ԿՈՉՎՈՂ ԱԽՄԱԽՈՒԹՅՈՒՆԸ չէ՞ր եղբայրացել թալեաթների հետ ու 1914 թվին զինաթափել հայ ժողովրդին նրանց պահանջով, որն էլ բերեց Եղեռնին: Դաշնակներն ազգին հայտնի կենդանու տեղ դնելու փոխարեն ավելի ճիշտ կլինի խոստովանեն, որ Եղեռնը չէր լինի, եթե իրենց ախմախ ու բովանդակությամբ դեմագոգ ու ստախոս, էությամբ հակահայկական ու “ազգային” ու “հայրենասիրական” բառերը “սեփականաշնորհած” լինելով կարող են հիմարացնել միայն քեզ նման մտածելու անընդունակ զոմբիներին:
Իսկ Ղարաբաղի պայքարը կուսակցականացնողներն ամենաապերախտ մարդիկ են, որովհետև այնտեղ կռվում էր հայ ժողովուրդը` անկախ կուսակցական կազմակերպությունից, իսկ այն, որ ԿԳԲ-ն զինել էր դաշնակցությանն ու դրանով հայրենասեր կամավորներին զուտ զենք ունենալու համար դաշնակ պիտի դառնային, որովհետև նրանց համար կարևորը կռվելն էր ու այդ մարդկանց` դաշնակների տեսակարար կշիռը կռվողների մեջ չնչին դեր է խաղացել, իսկ կռվող երկրում իրավիճակն ապակայունացնելն ու Հայաստանի ղեկավարության` դիվանագիտական նկատառումներով սեփական իրական դերը չցուցադրելն օգտագործելը ՀՅԴ-ի կոմից այդ կուսակցության անբարոյականության ու հակահայկականության ամենամեծ ապացույցն է:
ՀՅԴ-ն պետք է հայ ժողովրդից ներողություն խնդրի իր ախմախության պատճառով Եղեռնին մեղսակցության համար ու ինքնալուծարվի, եթե իրոք ցանկանում է, որ հայ ազգը բարգավաճի:

12 06 2009
ire`ne Elikume

lseq aj lktiner!!! inch uzum eq areq, inch uzum eq xoseq, bayc Tatul Krpeyanin u ir nman surb herosnerin chkpneq, te che shat -shat vat klini…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s




%d bloggers like this: