Դարձյալ Ղարաբաղ… հրադադարը խախտում է Ադրբեջանը

18 11 2008

copy-of-armeniamapenglish_p1

ԼՂՀ կարգավորման գործընթացի շուրջ վերջին զարգացումները այլեւս մտահոգիչ լինելուց փոխակերպվել են անհանգստացնող, սպառնացողի։ Ու մինչ Սերժ Սարգսյանը հարցազրույցում պարզաբանում է բանակցային գործընթացի նշանակությունն ու բառախաղերի իմաստը, ԼՂՀ ԱԳՆ մամլո ծառայությունը հայտնում է նոյեմբերի 15-ի լույս 16-ի գիշերը Ադրբեջանի զինված ուժերի հատուկ նշանակության ջոկատի կողմից ԼՂՀ զինված ուժերի դիրքերի հարավ-արեւելյան ուղղությամբ ԼՂՀ պաշտպանության բանակի թիկունքը ճեղքելու փորձերի մասին։ Եվ սա այն դեպքում, երբ ԵԱՀԿ Մինսկի խմբի համանախագահները այս օրերին պաշտոնական այցով գտնվում են ԼՂՀ-ում եւ Հայաստանում։ Եւ սա Ռուսաստանի, Հայաստանի եւ Ադրբեջանի նախագահների կողմից վերջերս ստորագրված մոսկովյան հռչակագրից անմիջապես հետո, որում մասնավորապես նշված է, որ կողմերը պատրաստ են քաղաքական ճանապարհով ղարաբաղյան հակամարտության կարգավորման միջոցով նպաստել տարածաշրջանում կայունության եւ անվտանգության մթնոլորտի հաստատմանը:

Ես կողմնակից եմ, որպեսզի Լեռնային Ղարաբաղի Հանրապետությունը, Լեռնային Ղարաբաղի նախագահը ներգրավվեն բանակցային գործընթացում եւ համարում եմ, որ ամենից արդյունավետ ճանապարհը, երեւի, դա է, բայց Մայնդորֆյան հռչակագիրն որեւէ առնչություն չունի իմ ասած այս մտքի հետ, եւ այն երեք նախագահների կարծիքն է խնդրի լուծման մասին: Հռչակագիրը դա մի հանգրվան չէ, բուն բանակցությունների բաղկացուցիչ մաս չէ: Երեք երկրների նախագահներն ասում են, որ խնդիրը պետք է լուծվի քաղաքական ճանապարհով: Ես ուզում եմ մի քիչ ավելի պարզ բացատրել: Դրանից հետո ես եղել եմ Փարիզում, Եվրամիության կառույցներում, եւ եթե կամ Փարիզում, կամ Բրյուսելում առաջարկվեր մի փաստաթուղթ ստորագրել, որով եւս մենք կհավաստեինք մեր ցանկությունները` խնդրի խաղաղ լուծման համար, ես ի՞նչ պետք է անեի, պետք է ասեի սպասեք Լեռնային Ղարաբաղից մարդ հրավիրեմ: Անտրամաբանական է, չէ՞: Նորից եմ կրկնում, այո, խնդրի լուծման ամենաարդյունավետ ձեւն այն է, որ Լեռնային Ղարաբաղի իշխանությունները դառնան բանակցային կողմ, որպեսզի նրանք մասնակցեն բոլոր բանակցություններին եւ այդպես էլ լինելու է, այլ ճանապարհ ուղղակի չկա: ,-ասել է Սերժ Սարգսյանը։

Ըստ պաշտոնական տվյալների՝ ընթացիկ տարում սա Ադրբեջանի ԶՈՒ դիվերսիոն խմբերի առաջին գրոհը չէ ԼՂՀ Զինված ուժերի առաջավոր դիրքերի վրա։ ԼՂՀ ԱԳՆ հայտարարությունում ասվում է, որ “հաշվի առնելով պաշտոնական Բաքվի ապակառուցողական քայլերը, որոնք, դժբախտաբար, միջազգային միջնորդների կողմից պատշաճ քաղաքական գնահատական չեն ստացել` նախարարությունը, շփման գծում լարվածության հնարավոր ուժգնացման պատասխանատվությունն ամբողջությամբ դնում է Ադրբեջանի ղեկավարության վրա”։

Վերադառնալով դիտորդներին, նշենք, որ Բերնար Ֆասիեն այսօր ասել է, որ փաստորեն, առանց ԼՂ բնակչության կարծիքը իմանալու, բանակցային գործընթացում քննարկվում է ԼՂՀ բնակչության անվտանգ ապրելու հնարավորությունը եւ երկայումս ԼՂՀ բնակչության անվտանգության խնդիրը կախված է միայն ԼՂ-ից եւ ՀՀ-ից: “Ապագայում մենք ցանկանում ենք, որ ԼՂ բնակչության անվտանգությունը ապահովվի համալիր միջոցառումներով եւ միջազգային երաշխիքներով, ինչպես նաեւ այս միջոցների վերաբերյալ լինի Ադրբեջանի համաձայնությունը”,– ասել է պարոն Ֆասիեն: Շարունակելով իր գործընկերների խոսքը` պարոն Մերզլյակովը նշեց, որ այս հարցին ավելի լավ հնարավոր չէ պատասխանել, քան Սերժ Սարգսյանի պատասխանն է եւ ասաց. “Առանց խնդրի կարգավորումը հստակեցնելու, հենց այնպես տարածքներ չեն վերադարձվի, առանց համաձայնության գալու ԼՂ բնակչության անվտանգության շուրջ: Իմ կարծիքով, սա ամենապարզ պատասխանն է”: “Իսկ ԼՂ բնակչությանը մինչ օրս որեւէ մեկը չի հարցրել, եւ ես այսօր չեմ կարող ասել, որ ԼՂ բնակչությունը 100 տոկոսով դեմ է, որ տարածքները վերադարձվեն ` անվտանգության այսպիսի երաշխավորման պայմաններում”,-շարունակել է նա։


Actions

Information

18 responses

18 11 2008
blansh

ԸՍՏ ՍԵՐԺ ՍԱՐԳՍՅԱՆԻ` ԼՂ ԽՆԴԻՐԸ ԿԱՐՈՂ Է ԼՈՒԾՎԵԼ, ԵԹԵ…
[13:06] 17 Նոյեմբերի, 2008

Սերժ Սարգսյանի հարցազրույցը Հանրային հեռուստաընկերությանը

-Պարոն Նախագահ, ղարաբաղյան հիմնահարցն այս օրերին քաղաքական գործիչների, վերլուծաբանների, նաեւ լրատվամիջոցների քննարկման թիվ մեկ թեման է: Հնչող տեսակետներն ուսումնասիրելիս տպավորություն է ստեղծվում, թե մենք գնում ենք միակողմանի զիջումների: Արդյո՞ք դա այդպես է:

– Ոչ, իհարկե, ոչ: Ուղղակի Հայաստանում որոշ քաղաքական ուժերի եւ նաեւ գործիչների թվում է, թե ընտրությունները չեն ավարտվել եւ ցանկացած առիթ օգտագործում են շահարկումների համար: Բծախնդրությամբ ուսումնասիրում են թուրք-ադրբեջանական մամուլը, վերլուծություններ, կանխատեսումներ են կատարում, եզրահանգումներ անում եւ այս ճանապարհին նրանց բոլորովին չի հետաքրքրում ոչ Հայաստանի, եւ ոչ էլ Լեռնային Ղարաբաղի պաշտոնական տեսակետները, եւ նույնիսկ այդ նույն թուրք-ադրբեջանական մամուլում հնչող հերքումները: Այստեղ ուղղակի հարց է առաջանում, որ իրենց այդ վերլուծությունների, եզրահանգումների, չարագուշակ կանխատեսումների արդյունքը միշտ նույնն է լինում, այսինքն` զրոյական արդյունք է լինում: Ես տարիների ընթացքում մշտապես ասել եմ եւ հիմա էլ կրկնում եմ, որ Լեռնային Ղարաբաղի խնդիրը կարող է լուծվել, եթե Լեռնային Ղարաբաղի ժողովուրդը իրացնի, կարողանա իրացնել իր ինքնորոշման իրավունքը:

Ավելի ճիշտ, ավելի ստույգ ասեմ, եթե Ադրբեջանը ընդունի Լեռնային Ղարաբաղի ժողովրդի ինքնորոշման իրավունքի իրացման հնարավորությունը: Երկրորդ, եթե Լեռնային Ղարաբաղը եւ Հայաստանն ունենան ցամաքային սահման, եթե Լեռնային Ղարաբաղի բնակչությունը ստանա անվտանգության հզոր երաշխիքներ: Շատ պարզ խնդիր է, եւ միայն խելակորույս մարդը կարող է այս ձեւակերպումների մեջ գտնել միայն զիջումներ: Ես, 17-18 տարիների ընթացքում արտահայտվելով Լեռնային Ղարաբաղի խնդրի մասին, երբեք չեմ օգտագործել միակողմանի զիջում բառակապակցությունը եւ ոչ էլ` զիջում բառը: Փոխզիջում, երեւի թե, այո, բայց զիջում՝ ոչ: Մենք շատ նվիրական ու մեր ժողովրդի համար կարեւոր խնդիր ենք լուծում եւ ուրիշների պես չենք փորձում դիվիդենտներ քաղել տարբեր միջոցառումների կամ ելույթների ժամանակ: Մենք խնդիրը լուծում ենք, այո, ելույթներով, մենք խնդիրը լուծում ենք հանդիպումներով, բանակցություններով, տարբեր եղանակներով եւ մեր նպատակը, նորից եմ կրկնում, խնդրի լուծումն է եւ այդ ճանապարհին ազնիվ ու անկեղծ լինել ինչպես մեր մարտական ընկերների, այնպես էլ` մեր ժողովրդի հետ: Երբեք անիրականանալի բաներ չասել, երբեք չփորձել մոլորության մեջ գցել մարդկանց: Սա է իրականությունը:

-Պարոն Նախագահ, Մայնդորֆյան հռչակագիրը, որ ստորագրեցիք Ձեր ադրբեջանցի, ռուսաստանցի գործընկերների հետ, եւս դարձավ քննադատության թիրախ: Այս կապակցությամբ ի՞նչ կասեք, ո՞րն է խնդիրը:

– Ես չէի էլ կասկածում, որ նաեւ այդ փաստաթուղթը պետք է դառնա քննադատության թիրախ, չնայած այն բանին, որ սա, փաստորեն, միակ փաստաթուղթն է, որտեղ Ադրբեջանն ընդունել է Լեռնային Ղարաբաղի խնդրի լուծման քաղաքական ճանապարհը: Եթե ընդհանրացնելու լինենք, սկզբում հնչեց մի տեսակետ, որ սխալ էր փաստաթուղթ ստորագրել, որտեղ չկա Լեռնային Ղարաբաղի նախագահի կամ Լեռնային Ղարաբաղի իշխանությունների ստորագրությունը: Ես ուզում եմ եւ այդ քննադատներին, եւ բոլորին հիշեցնել Ազգային Ժողովին եւ մեր ժողովրդին հղած իմ ուղերձի այն հատվածը, որտեղ խոսվում էր Լեռնային Ղարաբաղի խնդրի լուծման մասին եւ ասվում էր, թե երբ կարող է լուծվել խնդրին. այն ժամանակ, երբ որ մենք կշնորհավորենք Ադրբեջանի Հանրապետության եւ Լեռնային Ղարաբաղի Հանրապետության նախագահներին կամային որոշման եւ խնդիրը խաղաղ ճանապարհով հանգուցալուծելու համար: Այսինքն` ավելի հստակ ինչպես կարելի է արտահայտվել: Ես կողմնակից եմ, որպեսզի Լեռնային Ղարաբաղի Հանրապետությունը, Լեռնային Ղարաբաղի նախագահը ներգրավվեն բանակցային գործընթացում եւ համարում եմ, որ ամենից արդյունավետ ճանապարհը, երեւի, դա է, բայց Մայնդորֆյան հռչակագիրն որեւէ առնչություն չունի իմ ասած այս մտքի հետ, եւ այն երեք նախագահների կարծիքն է խնդրի լուծման մասին: Հռչակագիրը դա մի հանգրվան չէ, բուն բանակցությունների բաղկացուցիչ մաս չէ:

Երեք երկրների նախագահներն ասում են, որ խնդիրը պետք է լուծվի քաղաքական ճանապարհով: Ես ուզում եմ մի քիչ ավելի պարզ բացատրել: Դրանից հետո ես եղել եմ Փարիզում, Եվրամիության կառույցներում, եւ եթե կամ Փարիզում, կամ Բրյուսելում առաջարկվեր մի փաստաթուղթ ստորագրել, որով եւս մենք կհավաստեինք մեր ցանկությունները` խնդրի խաղաղ լուծման համար, ես ի՞նչ պետք է անեի, պետք է ասեի սպասեք Լեռնային Ղարաբաղից մարդ հրավիրեմ: Անտրամաբանական է, չէ՞: Նորից եմ կրկնում, այո, խնդրի լուծման ամենաարդյունավետ ձեւն այն է, որ Լեռնային Ղարաբաղի իշխանությունները դառնան բանակցային կողմ, որպեսզի նրանք մասնակցեն բոլոր բանակցություններին եւ այդպես էլ լինելու է, այլ ճանապարհ ուղղակի չկա: Երկրորդը, որ սկսեցին խոսել, այն է, թե Ադրբեջանը կարող է շահարկել, որովհետեւ փաստաթղթում գրված է, որ խնդիրը կարող է կարգավորվել միջազգային իրավունքի սկզբունքների եւ այդ շրջանակներում ընդունված որոշումների ու փաստաթղթերի հիման վրա: Ակնհայտ է, չէ՞, որ այստեղ խոսքը հիմնարար փաստաթղթերի մասին է, որտեղ պետք է փնտրել Ղարաբաղի խնդրի լուծումը: Սրանք խարտիաներն են, եզրափակիչ ակտն է, բոլոր այն հիմնարար փաստաթղթերը, որոնց շրջանակներում մենք պետք է փնտրենք Ղարաբաղի խնդրի լուծումը: Ասում են` ոչ: Ադրբեջանը սա կարող է հասկանալ իբրեւ ՄԱԿ-ի բանաձեւեր եւ կարող է շահարկել: Հասկանալի է, որ ադրբեջանցիները պետք է շահարկեն, իսկ դուք ինչո՞ւ եք շահարկում: Այսինքն` դուք ադրբեջանցիների հուշարարներն ենք, թե՞ ադրբեջանցիների շահարկումից հաճույք եք ստանում: Ադրբեջանցիները շատ բան կարող են շահարկել: Վերջիվերջո, պետք է հասկանալ, որ այստեղ Սերժ Սարգսյանի խնդիրը չէ, այստեղ Լեռնային Ղարաբաղի խնդիրն է: Դուք կարող եք սիրել Սերժ Սարգսյանին, կարող եք չսիրել, կարող եք հարգել, կարող եք չհարգել, դա ձեր անձնական գործն է: Կարող եք շարունակել ձեր գործը` ամեն ինչ քննադատելով, բայց պետք է գիտակցել, նորից եմ կրկնում, որ այստեղ Ղարաբաղի խնդիրն է:

– Այնուամենայնիվ, ի՞նչ կասեք հիմնահարցի լուծման հնարավոր ժամկետների եւ այդ գործընթացում հասարակության մասնակցության մասին:

– Դժվար է ասել ժամկետների մասին: Երբ ես մշտապես ասում եմ, որ մենք խնդիրը չենք ձգձգելու, դա բնավ չի նշանակում, թե վաղը, մեկ ամիս հետո, երեք ամիս հետո կամ չորս ամիս հետո խնդիրը լուծվելու է: Այո, ես խորապես համոզված եմ, որ մենք չպետք է արհեստականորեն ձգձգենք խնդրի լուծումը, բայց դեռեւս պետք է գանք որոշման, պետք է գանք համաձայնության, որից հետո եւս երկարատեւ գործընթաց պետք է լինի:

Բազմիցս ասել եմ, հիմա էլ կրկնում եմ` այս խնդիրը 1, 2, 3, 131, նույնիսկ 1300 հոգու լուծելու խնդիր չէ: Սա մեր ժողովրդի ամենակենսական խնդիրներից մեկն է, եւ մեր ժողովուրդը պետք է ասի` համաձա՞յն է, արդյոք, այն տարբերակին, որին մենք կգանք բանակցությունների ընթացքում: Բանակցությունների մանրամասների մասին ամեն օր հարցումներ անելը, եւս քաղաքական գործիչների խնդիրն է: Բանակցողների խնդիրն այն է, որպեսզի կարողանան ընդհանուր գծերով հասարակությանը տեղյակ պահել խնդրի լուծման սկզբունքների մասին, իսկ բանակցային մանրամասները պահեն, որովհետեւ բանակցությունները բավականաչափ բարդ եւ նուրբ գործընթաց են, որոնց ընթացքում պետք է կարողանալ լինել ե’ւ զգույշ, ե’ւ նպատակաուղղված: Մեր քաղաքական ուժերն, անպայման, մասնակից են լինելու քննարկումներին: Կարծում եմ, միգուցե, հիմա ժամանակ չէ նույնիսկ այս հարցը քննարկման դնել, բայց որպեսզի այս մի բաժակ ջրում ստեղծված փոթորիկը կարողանանք հանդարտեցնել, ես, երեւի, կհրավիրեմ քաղաքական կուսակցությունների նախագահներին եւ կփորձեմ լսել նրանց հարցադրումները, կփորձեմ պարզել, թե՞ ինչն է նրանց անհանգստացնում: Մենք դեռեւս երկար ճանապարհ ունենք անցնելու: Մենք պետք է կարողանանք բանակցությունների ընթացքում գալ մի որոշման, որում, գոնե, ես համոզված կլինեմ, որ այն բխում է մեր ժողովրդի շահերից, որից հետո հարցը պետք է դնել համաժողովրդական քննարկման, դրանից հետո անհրաժեշտություն կլինի ստորագրել պայմանագիր, դրանից հետո համաձայնագիր եւ այլն, եւ այլն:

http://www.a1plus.am:81/amu/?page=issue&iid=66230

18 11 2008
blansh

ՀԱՄԱՆԱԽԱԳԱՀՆԵՐԸ ՄԻԱՅՆ ԹԹԻ ՕՂՈՒ ՀԱՄԱՐ ՉԵՆ ԳՆՈՒՄ ՂԱՐԱԲԱՂ
[17:01] 17 Նոյեմբերի, 2008

Մինսկի խմբի համանախագահներն հայ լրագրողների հետ հանդիպմանը ներկայացան ուշացած եւ բարձր տրամադրությամբ: Մինչ այդ նրանք հանդիպում էին Սերժ Սարգսյանի հետ: Համանախագահներն այսօր Երեւանում կրկին հպարտացան նոյեմբերի 2-ին Մոսկվայում ՌԴ-ի, ՀՀ-ի եւ Ադրբեջանի նախագահների միջեւ կնքված հռչակագրով եւ հենց սկզբից հայտարարեցին, որ իրականությանը չեն համապատասխանում այն լուրերը, թե այդ հռչակագրի համաձայն` ՀՀ-ն ՚ոչ թափանցիկՙ պարտավորություններ կստանձնի:

՚Նոյեմբերի 2-ի հանդիպումից հետո նախագահների տրամադրությունը նշանակալիորեն փոխվել է դեպի լավը, եւ դրա համար ես շնորհակալ եմ մեր ռուս գործընկերներին: Երկու նախագահների կողմից միմյանց նկատմամբ հարգանք է ձեւավորված, եւ նրանք գործընթացին սկսել են նայել մեկը մյուսի աչքերով, որպեսզի նախանշեն կարգավորման հետագա ուղիները: Երկուսն էլ գրավոր եւ հրապարակավ իրենց ստորագրություններով հաստատել են/ նաեւ ՌԴ նախագահ Մեդվեդեւն է գրավոր հաստատել/, որ կա խնդրի լուծման մեկ ճանապարհ` Միսկի խմբի գործընթացի միջոցով: Կարեւորը, որ ոչ մի կողմ չվտանգի այն, ինչին մենք հասնում ենքՙ,- այսօր հայտարարեց ամերիկացի համանախագահ Մեթյու Բրայզան` ընդգծելով, որ հռչակագրի կարեւորությունն այնն է, որ կողմերը խնդրի միակ լուծումը տեսնում են խաղաղ ճանապարհով:

Պարոն Բրայզայի հայտարությունը կարելի էր միանշնակ ընդունել, եթե նոյեմբերի 2-ի հռչակագրի ընդունումից ընդամենը երկու շաբաթ անց` երեկ Ադրբեջանը կրկին կրակ չարձակեր, որի արդյունքում զոհ է արձանագրվել: ՚Ա1+ՙ-ն այսօր համանախագահներից փորձել պարզել, թե որքանո՞վ են Ադրբեջանի իշխանություններն իրենց հավատ ներշնչում` մի կողմից ստորագրում են խնդրի խաղաղ ճանապարհով լուծելու հռչակագրի տակ, իսկ մյուս կողմից` կրակ են արձակում:

՚Մենք շատ մտահոգված ենք Ֆիզուլիում տեղի ունեցած ռազմական գորոծողությունների առումով: Մենք հուսով ենք, որ Կասպրշիկը այդ տեղանքում ճգնաժամային մոնիտորինգ կանցկացնի: Նա նման մոնիտորինգ անցկացնելու թույլտվություն է հայցել: Չարժե, որ պրովոկացիաների պատճառով թեկուզ մի զինվոր զոհվի, որը ծառայում է բանակումՙ,- ՚Ա1+ՙ-ի հարցին պատասխանեց Մեթյու Բրայզան: Շարունակելով պատասխանել ՚Ա1+ՙ-ի հարցին` ֆրանսիացի համանախագահ Բերնար Ֆասիեն նշեց, որ մի հռչակագրի ստորագրմամբ չի նշանակում, որ խաղաղություն է հաստատվում:

Քանի որ համանախագահները եղել են նաեւ ԼՂՀ-ում, լրագրողները փորձեցին պարզել, թե կողմերն այսօր որքանով են պատրաստ փոխզիջումների: Ես չէի ասի, որ նախագահներից որեւէ մեկը այս գործընթացը դիտարկում է զիջումների համատեքստումՙ,- ասաց Բրայզան: Այսօր նաեւ պարզվեց, որ համանախագահները մինչ օրս չեն պարզել, թե ինչպե՞ս է ԼՂՀ-ն վերաբերում հայկական զորքերը ազատագրված տարածքներից հանելուն: Փաստորեն, առանց ԼՂ բնակչության կարծիքը իմանալու, ինչպես ասաց Բերնար Ֆասիեն, բանակցային գործընթացում քննարկվում է ԼՂՀ բնակչության անվտանգ ապրելու հնարավորությունը: Ըստ նրա` ներկայումս ԼՂՀ բնակչության անվտանգության խնդիրը կախված է միայն ԼՂ-ից եւ ՀՀ-ից:

՚Ապագայում մենք ցանկանում ենք, որ ԼՂ բնակչության անվտանգությունը ապահովվի համալիր միջոցառումներով եւ միջազգային երաշխիքներով, ինչպես նաեւ այս միջոցների վերաբերյալ լինի Ադրբեջանի համաձայնությունըՙ,- ասաց պարոն Ֆասիեն: Շարունակելով իր գործընկերների խոսքը` պարոն Մերզլյակովը նշեց, որ այս հարցին ավելի լավ հնարավոր չէ պատասխանել, քան Սերժ Սարգսյանի պատասխանն է եւ ասաց.

՚Առանց խնդրի կարգավորումը հստակեցնելու, հենց այնպես տարածքներ չեն վերադարձվի, առանց համաձայնության գալու ԼՂ բնակչության անվտանգության շուրջ: Իմ կարծիքով, սա ամենապարզ պատասխանն էՙ: ՚Իսկ ԼՂ բնակչությանը մինչ օրս որեւէ մեկը չի հարցրել, եւ ես այսօր չեմ կարող ասել, որ ԼՂ բնակչությունը 100 տոկոսով դեմ է, որ տարածքները վերադարձվեն ` անվտանգության այսպիսի երաշխավորման պայմաններումՙ,-շարունակեց նա: Այսօր համանախագահները նաեւ վստահեցրեցին, որ թեեւ ԼՂ-ն որպես բանակցային կողմ ընդգրկված չէ բանակցային գործընթացում, բայց ԼՂ-ում տեղյակ են բանակցային գործընթացին: Մենք Ստեփանակերտ չենք գնում միայն նրա համար, որ թթի օղի խմենք: Մենք նաեւ շատ լուրջ աշխատում ենք Ստեփանակերտումՙ,-ասաց Ֆասիեն:

ՀԱՄԱՆԱԽԱԳԱՀՆԵՐԸ ՄԻՋՆՈՐԴՆԵՐ ՉԵՆ ԼՐԱԳՐՈՂՆԵՐԸ ՄԻՋԵՎ

Այսօր Երեւանում համանախագահները նաեւ ստիպված էին պարզաբանել, թե ինչպես է ստացվում, որ ամեն անգամ իրենք ստիպված են լինում հերքել Ադրբեջանում հնչեցրած իրենց տեսակետները:

Ռուսաստանցի համանախագահը նշեց, որ ադրբեջանցի լրագրողներն ու քաղաքագետները միշտ էլ կարող են համանախագահների հայտարարությունները մեկնաբանել` ելնելով իրենց շահերից: Հայ լրագրողները հստակեցրեցին, որ խոսքը Ադրբեջանի նախագահի աշխատակազմի ղեկավար Նովրուզ Մամեդովի հայտարարության մասին է: Նա ասել է, թե Մոսկովյան հռչակագիրը վերջ է դնում հայկական կողմի հավակնություններին, այդ թվում` ազգային ինքնորոշման սկզբունքին:

՚Մամեդովը փորձել է յուրովի մեկնաբանել մեր հայտարարությունները: Մենք հիմք են ընդունում այն, ինչ լսում ենք Ադրբեջանի նախագահիցՙ,- ասաց Յուրի Մերզլյակովը եւ ավելացրեց, որ Բաքվում Իլհամ Ալիեւն իրենց ասել է, թե Մոսկովյան հռչակագրում յուրաքանչյուր կողմ իր շահն է տեսնում:

՚Այլ կերպ հնարավոր չէր, որ այդ հռչակագիրը ստորագրվեր: Դժվար է ակնկալել, որ այդ փաստաթուղթը Հայաստանում եւ Ադրբեջանում նույն կերպ կընկալվի, իսկ ԼՂ –ում այլ կերպ են ընկալումՙ,- ասաց Մերզլյակովը:

Այս հարցում ավելի բարի դերում հանդես եկավ Մեթյու Բրայզան. ՚Երեւանում այդպիսի բան չի լինում: Բաքվում ինչի մասին էլ, որ խոսենք, մեկնաբանությունները միակողմանի են լինումՙ:

Բրայզան խորհուրդ տվեց Բաքվում կատարած իր հայտարարություններին ծանոթանալ բացառապես Ադրբեջանում ԱՄՆ դեսպանության ինտերնետային կայքից:

Ավելի կտրուկ էր ֆրանսիացի համանախագահ Ֆասիեի տեսակետը.՚Մենք միջնորդներ ենք ոչ թե հայ եւ ադրբեջանցի լրագրողների, այլ այդ երկրների նախագահների միջեւՙ:

Ի դեպ, համանախագահները այսօր հրաժարվեցին ասել, թե որքան աշխատավարձ են ստանում եւ որքան արժե տարածաշրջան կատարած իրենց յուրաքանչյուր այցը: ՚Ես չեմ կարծում, որ դա ամենակարեւոր հարցն է: Ինձ համար զարմանալի է` լսել այս հարցը, այս համատեքստումՙ,- ասաց Բերնար Ֆասիենը` միայն նշելով, որ իրենք վարձատրվում են ոչ թե որպես ԵԱՀԿ համանախագահներ, այլ յուրաքանչյուրը` որպես իր երկրի դիվանագետ:

http://www.a1plus.am:81/amu/?page=issue&iid=66256

18 11 2008
blansh

ՊԱՐՏՈՒԹՅՈՒՆ ԺՈՂՈՎՐԴԱՎԱՐ ԼԻՆԵԼՈՒ ՊԱՏՃԱՌՈ՞Վ
[17:15] 17 Նոյեմբերի, 2008

ԱՅԼ ՆԿԱՐՆԵՐ ՚Դիվանագիտական դաշտում լիարժեք պարտությունՙ,-այսպես բնութագրեց ԼՂՀ խնդրի կարգավորման շուրջ տեղի ունեցած վերջին զարգացումները, հատկապես Մոսկովյան հուշագիրը ՍԴՀԿ կենտրոնական վարչության անդամ Վահան Շիրխանյանը:

Նա նկատեց, որ թեեւ հայկական կողմը շահել էր պատերազմը եւ պետք է անցներ ակտիվ դիվանագիտական աշխատանքի, Ադրբեջանը Թուրքիայի հետ աշխատեց եւ Հայաստանին կարողացավ պարտության մատնել ինֆորմացիոն պատերազմի դաշտում.

՚Այն ժամանակ, երբ մեր իշխանավորները դղյակներ էին կառուցում, կազինոներ էին այցելում, նրանք ինֆորմացիոն պատերազմ էին տանում Հայաստանի դեմ եւ հաղթեցինՙ:

Նրա ընդդիմախոս ՀՀԿ խորհրդի անդամ Արմեն Աշոտյանը համաձայնեց, որ ինֆորմացիոն պատերազմում ՀՀ-ն պարտվել է, բայց պատճառը Հայաստանի դեմոկրատական լինելն է: Ըստ Աշոտյանի` ՀՀ-ն ունի ընդդիմություն եւ մամուլ, որի միջոցով աշխարհն իմանում է ներքին անցուդարձը. նա հիշեց նաեւ մարտյան դեպքերը:

Իսկ դիվանագիտական դաշտում հաղթելու համար, ըստ Արմեն Աշոտյանի, մեզ անհրաժեշտ է քաղաքական կոնսենսուս, քաղաքական ուժերի համերաշխություն: Աշոտյանը, բարձր գնահատելով հռչակագիրը այն առումով, որ առաջին անգամ Ադրբեջանը ստորագրել է խաղաղ, քաղաքական ճանապարհով խնդրի լուծում ենթադրող փաստաթղթի տակ, այնուամենայնիվ, նկատեց. ՚Եկեք ընդունենք` իշխանությունները, որ եղել են Հայաստանում Ղարաբաղյան խնդրի հաջորդաբար ներկայացնողներն են, այդ խնդիրը փոխանցվել է ժառանգաբար եւ իշխանություններն իրենց տարբեր մոտեցումների մեջ, թե առաջին նախագահը, թե երկյրորդ, եւ թե երրորդը շարունակում է Ղարաբաղյան հիմնախնդրի լուծումը, ոչ թե սկսում է զրոյից. սա շատ կարեւոր նրբություն էՙ,-ասաց Աշոտյանը, ապա, ի պատասխան Շիրխանյանի ՝ ՄԱԿ-ի, ԵԽԽՎ ոչ հայանպաստ բանաձեւերի հիշեցմանը, պատասխանեց, որ 91-94 թվականներին ՄԱԿ-ը շատ ավելի վատ բանաձեւեր է ընդունել:

Խոսքը հասավ նաեւ 1998 թվականին առաջարկված լուծման տարբերակին, եւ Վահան Շիրխանյանը հավաստեց, որ այն շատ ավելի լավն էր, քան այսօրվա առաջարկները, քանի որ խոսքը գնում էր ոչ թե Լաչինի միջանցքի, այլ Լաչինի շրջանի մասին, նաեւ Արծվաշենի, իսկ այսօր, ըստ Շիրխանյանի, խոսվում է Լաչինի միայն փոքր միջանցքի, հայկական զինուժի դուրսբերման, ադրբեջանցի փախստականների վերադարձի մասին, իսկ հայկական հողերի՝ Շահումյանի, Արծվաշենի եւ մյուս բնակավայրերի մասին խոսք չկա:

Շիրխանյանը հիշեցրեց, որ 54 հայկական գյուղ այսօր գտնվում է Ադրբեջանի տարածքում. ՚Եթե հող են ուզում, թող մեր հողերը վերադարձնեն դրա դիմացՙ,-ասաց Շիրխանյանը:

Աշոտյանը կիսում է այս դիրքորոշումը , սակայն նաեւ ավելացնում, որ դա միայն կարեւոր տարրերից մեկն է, բայց հող փոխանակելով` կարգավիճակի հարցը չի լուծվի: Իսկ ռեպլիկի կարգով էլ հանրապետական պատգամավորը նկատեց. ՚Եթե այդքան լավն էր 98-ի տարբերակը, ինչո՞ւ էիք դուք Սպարապետի կողքինՙ:

Շիրխանյանը հիշեցրեց, որ նա Սպարապետի կողքին եղել է 88-ից, այնպես ինչպես Սպարապետը 88-ից եղել է Լեւոն Տեր-Պետրոսյանի կողքին, մինչեւ Ռոբերտ Քոչարյանը Ղարաբաղից եկավ եւ իշխանության մեջ առաջացավ պառակտում:

ԻՆՉՈ՞Ւ Է ԸՆԴԴԻՄՈՒԹՅՈՒՆԸ ԹՈՒՅԼ ՏԱԼԻՍ, ՈՐ ՂԱՐԱԲԱՂԸ ՚ԾԱԽԵՆՙ

Վահան Շիրխանյանին հետաքրքրում է, թե արդյոք իշխանության մեջ այսօր կան ուժեր, որոնք դեմ են ԼՂՀ լուծման առաջարկվող տարբերակին, այնպես, ինչպես եղավ 1998 թվականին:

Արմեն Աշոտյանն ասաց, թե այսօր իշխանությունում լուծման առաջարկվող տարբերակին դեմ մարդ չկա, իսկ Սերժ Սարգսյանը թույլ չի տա, որ իրավիճակը այդ աստիճան վատ լինի, որ իշխանության ներսում ընդդիմություն առաջանա, ինչպես 98-ին: Իսկ փոխարենը Շիրխանյանից հետաքրքրվեց, թե՝ եթե Ղարաբաղի շուրջ իրավիճակը օրհասական է, ինչո՞ւ ընդդիմությունը ՚Ղարաբաղը ծախող իշխանության դեմ հանրահավաքները չի վերսկսումՙ:

Վահան Շիրխանյանը պատասխանեց, որ ընդդիմությունը շանս է տվել իշխանությանը՝ ներքաղաքական հանդարտ պայմաններում բանակցել ՚ամերիկաներում ու եվրոպաներումՙ:

Իսկ ընդդիմությունը ակտիվ է իր հանդիպումներում, հարցազրույցներում, սակայն զանգվածային միջոցառումներ կլինեն այն ժամանակ, երբ կստորագրվի ոչ հայանպաստ որոշում:

Ի դեպ, Արմեն Աշոտյանի պնդմանը, թե ԼՂՀ հարցով իշխանությունն ունի հասաակության 99 տոկոսի աջակցությունը, Վահան Շիրխանյանը չհամաձայնեց, ավելացնելով, որ Ղարաբաղը ունի ՀՀ ընդդիմության 100 տոկոսանոց աջակցությունը եւ եթե ԼՂՀ-ն ընդվզի ՀՀ իշխանությունների գործողություններին, ընդդիմությունը անպայման կարձագանքի:

Այսօրվա բանավեճում լուրջ հակասություն առաջացավ Մադրիդյան սկզբունքների վերաբերյալ: Աշոտյանը հերքում էր այն փաստաթուղթը, որ հրապարակվել է, իսկ Վահան Շիրխանյանը հայտարարում էր, թե երկրում կա ԱԳՆ, թող Մադրիդյան սկզբունքների վերաբերյալ տպագրված փաստաթուղթի ճշմարտացիությունը հերքի ԱԳՆ-ն:

՚Ա1+ՙ-ի հարցին, թե ինչու Սերժ Սարգսյանը կամ Էդուարդ Նալբանդյանը չեն ներկայացնում Մադրիդյան սկզբունքները կետ առ կետ, որպեսզի կասկածների տեղ չլինի, Աշոտյանը պատասխանեց. ՚Շատ լավ առաջարկ է, գրեք, թող նախագահական նստավայրը մտածի այդ ուղղությամբՙ:

http://www.a1plus.am:81/amu/?page=issue&iid=66258

18 11 2008
blansh

ԿԱՐԵՎՈՐՎԵԼ Է ՂԱՐԱԲԱՂԻ ՄԱՍՆԱԿՑՈՒԹՅՈՒՆԸ ԲԱՆԱԿՑՈՒԹՅՈՒՆՆԵՐԻՆ
[18:20] 17 Նոյեմբերի, 2008

Հայ ազգային կոնգրեսի ներկայացուցիչները՝ ՀՀ առաջին նախագահ Լեւոն Տեր-Պետրոսյանի գլխավորությամբ, շաբաթ օրը հանդիպել են ԵԱՀԿ-ի Մինսկի խմբի ամերիկացի համանախագահ Մեթյու Բրայզայի հետ: Հանդիպման ժամանակ քննարկվել են Լեռնային Ղարաբաղի հակամարտության կարգավորման ներկա փուլի վերաբերյալ հարցեր, ինչպես նաեւ լուծման հեռանկարները, Հայաստանի ներքաղաքական իրավիճակը, ՚քաղբանտարկյալներիՙ հետ կապված խնդիրներ:

ՀԺԿ նախագահ Ստեփան Դեմիրճյանը ՚Ա1+ՙ-ին տեղեկացրեց, որ Կոնգրեսը ընդգծել եւ հատկապես կարեւորել է բանակցություններում ղարաբաղյան կողմի մասնակցության հարցը: Հանդիպմանը մասնակցել են նաեւ ՀՀՇ վարչության նախագահ Արարատ Զուրաբյանը, ՚Հանրապետությունՙ կուսակցության նախագահ Արամ Սարգսյանը, Լեւոն Զուրաբյանը, Դավիթ Շահնազարյանը եւ այլք:

http://www.a1plus.am/amu/?page=issue&iid=66271

18 11 2008
ann

Չեմ կարծում, որ Ադրբեջանը հիմա կսկսի պատերազմ, քանի Հայաստանը ի վիճակի է նրան արժանի հակահարված տալ, սակայն հենց Հայաստանը խորասուզվի ճգնաժամի մեջ հաստատ կստանա դաբրոներ ու կհարձակվի։ Միակ բան, որ մեզ կփրկի համախմբվելնա նույն ոգով ու դիմագրավել Հայաստանին վրա հասնող աղետներին։ Սակայն ես նույն 1915 թվականի հորթի պահվածքն եմ տեսնում շատերի մոտ

18 11 2008
Ararat

Im karciqov ayd brnkum@ Fizulium USA-i hrahracn e, cuyc talu te ibr uj chuni Mayndorfyan hrchakagir@, aysinqn Rusastani het knqac paymanagir@, vor@ hachuyqov taracum en vorosh arevmtamet lratvamijocner, Dranov isk porcelov xndri kargavorum@ tal USA-in. Djvar e asel vorn e dzerntu mez. Bayc mi ban hastat kasem
Hayastan goyutyun chi unena en pahic erb Hayastan@ eres teqi Russia-ic!!!

18 11 2008
ann

Չեմ հասկանում քո հրճվանքը Ռուսաստանով։ Շանթի հոդվածը այդ թեմայով լուրջ վերլուծություն է իրենից ներկայացնում։ Ես էլ ավելացնեմ , որ ինչքան երկար մնան ռուսները Հայաստանում էնքան ցեղասպանվելու ու պոլիգոն դառնալու հավանականությունը ավելի է մեծանում։
http://qbhima.blogspot.com/2008/10/blog-post_8613.html

19 11 2008
Ararat

@ann

Chishtn asac kardaci Bayc vor Levon-i u Pashinyani nkar@ tesa hela @texic el chsharunakeci kardal🙂. Aydtex voroshaki sxal baner kan grvac. Chisht e canr hetevanqner unecel e Rusastani nerkayutyun@ aysetx, sakayn mi moraceq vor esor Hayastan petutyun goyutyun uni shnorhiv Rusastani (Arevelyan Hayastani azatagrum@ Parskastanic). Ete depqi ayl zargacum nayeinq apa karox er Hayastan @ndhanrapes goyutyun chunenal. Eti ancyalum , isk ayjm mi moraci
vor du Rusastanum 1 millionic aveli hay unes ashxatox. Isk eres teqel nranic inchpes teqecin Vrastann u Adrbejan@ , tesar inch texi unecav irenc azgabnakchutyan het Rusastanum, hl@ esi vochinch,
Avelin kasem, esor Turkey@ baci mec shuka lineluc , Rusastanin ayl hnaravorutyun chi talis. Isk Turkey@ USA-i hamar razmavarakan dashnakic e.
Mi or gisherov durs ari u nayi Masisi doshin, et varvox luyser@ vor tenas eti Amerikyan mec razmakan baza e. Aysor aveli qan erbeve Rusastani ev Hayastani shaher@ ham@nknum en, Rusastan@ shat lav haskanum e vor korcni Hayastan@, apa kkorcni amboxj harav@ (Parskastan, Adrbejan, Turkmenstan,…)
……………………………………………………………………………………………………..
Inchpisi himar verlucutyunner en katarvac aydtex, chem uzum havatal vor havatum eq et himar hetevutyunnerin.

20 11 2008
gaytzag palandjian

SHAHEGAN EN VERO NSHYAL DESAGEDNER,BLANSH, ANN YEV ARARAT-IC….
YENTADREL WOR MER BEDUTYUN YERES DARCNI RUSASTANIC..HAVANAGAN CHEM GDNUM, DA G’SARUNAGVI.ISK MIUS GOXMIC YENTADREUTYUNNER TEREVS JISHD EN WOR VERCHIN AZERI PORCER SAHMANANCMAN ARNCHUTYAMB BKHOUM EN MN-ERI HORTORUMNEROV…SA EL IR DEX@..

BAYC HAIRENI YEV ARDYERGRI HAYER, KHORHECEK VER-ANDRADARNAL AYS ,AYSBES HORJORJVADZ YEV BAZMIC@S GRGNVADZ YEV MER BOLORIN KHAXI BRNAC AYN TYURAMDUTYAN WR SA-AYN E ARTSAKH MER “HIMNAHARCN”- YES AYD YERPEK CHEM UNTUNI..YEV MER HAGARAGORTNER DDA LAV GIDEN..MEZ EN ZBAXECNUM ARTSAKH OV WOR -VOCH TE MENK AYL IMACX@ LAV GIDI WOR DAR 16/7 DARI E INCH “fait a complit” E AYSINK LRACVAC HARC!!!MENK BEDK E HIMA…AYO HIMA ISK SHRNDALIC GERBOV HASGACNENK I LUR ASHKHARHI WOR MER B O U N “himnaharc”@ METZN TURKIO HED E…AYLABES -LAV KHORECEK…INCHU BIDI VERCHIN@S KIT@ KHOTI ARTSAKH YAN HARCERI ARNCHUTYAMB YEV NOUYNISK OUXXAGI -SA ARTEN ANKAMNER GRGNVADZ- HAYDNI IRENC CANGUTYUN MIJAMDELU…YERP KAJ GIDI WOR 3 hamanakhgahner AYD DARINER I VER ANOUM EN …gnal galov….yev DER OURISH PASDER GAN…MITE CHI GIDEK- HAYASTANI HED NORMAL DIVANAGIDAGAN GAB SDEXCEL@ BAYMANAVORUM EN NK(ArtsakhiSHOURJIC MER ZORKERI heracman hed………. WOR BACARCAGOREN da couyc e dalis ‘ZOUG@ WOURDEGHEN G’HODI””” AREVMDAHAY ASACVACK. arevelahayeren? OCI GLOUKH WORDEX E??? mi kich gosht ASAC, bayc iraganutyun!!!!
HARG E AYS ARTIV MENK DRSIC SGSENK MER “ngadoxutyunner” OUXXVADZ MINSK I OSCE IN -iharge shad kaxakavar-oren, ASELOV….”chek garcoum NAKH YEV ARAJ AYS HAYERI HARCIN BEDK E UNTACK DRVI ANKARAI HED BANAGCELOV WOR ARNVAZN MEXMACNEN IRENC gecvack@ DIRKWOROSHUM@ HANDEB HAYASTANI…(AYN E sahmanneri pakoum miagoxmani ,yerp artsakh i jagadagirn er woroshvoum… CHEK DESNOUM SIRELIKKKKK-PARONAYK MINSKI..WR AYNDEX E GDNVOUM BANALI-N? get meg ankam el dimecek noca ankara gnalov HARCREK INCHU AYD GOST VERABERMOUNK@ ?????
CHE WOR VERCHIN ANKAM HAGHTECIK( 1921-IN haykakan banagner yev GRETE yerevanin modecak ..bardavorelov hayastanin GNKEL HASHDUTYUN!!!! SA E IRAGANUTYUN…
menk bedk e CHI KHAPVENK yev voch mi odar mijamdoxneric.irecn hramcnenk p a s t e r …wor khorhen ayd masin…
Hama-Haigagani SIRO,
GAYDZ

20 11 2008
Դանիել

Ժողովուրդ, իմ ունեցած տվյալներով, վերոնիշյալ “դիվերսիոն” խումբը հեչել դիվերսիոն չի եղել, այլ եղել է հրետանայնին հետախուզության դասակ (մինջև 30 զինծառայող), որի առաքելությունն է լինում կազմել տեղանքի կոորդինատային համակարգ և նախահակահրետանակոցության (կամ, հրետանային պադրաստության) ծրագիր:

Հիշեցնեմ, որ Ադրբեջանի ԶՈւ կողմից հարձակման դեպքում վերջինիս սպասվող հիմնական ուղությունը` հեն ՖԻԶՈՒԼԻՆ է…
Բացի այդ, ասեմ, որ Ադրբեջանը մոտ կես տարի առաջ Իզրաելից գնել է 10 հատ “Silver Arrow” տիպի անօդաչու ինքնաթիռներ, որոնք չեն կարող օգտագործվել հետախուզական նպատակներով (Քանսզի թէ’ ՀՀ-ն և թէ’ ԼՂՀ-ն ունեն հզոր հակաօդային ուժեր), այլ կարող է օգտագործվել միայն պրովոկացիոն գործողություններ անելու համար (հենց այդպես սկսվեց ռուս-վրացական պատերազմը):

Եզրակացությունները թողնում եմ ձեզ…

21 11 2008
Ararat

@Daniel

Axr ban ches asum vor ezrakacutyun anenq.
Vor paterazm@ skselu liner Adrbejan@ arden sksel er…
Paterazm stexcelu 100000 dzev ka.

21 11 2008
Դանիել

Պատերազմ սկսելու սկի 100 ձևել չկա… (Եթե կարաս, գոնե 10 ձև թվարկի), Ադրբեջանը միգուցե և չի ուզում պատերազմ սկսել, բայց պադրաստվում է վերջինիս (դա միարժեք է):
Պարոնայք, և հաշվի առեք, որ եթե պատերազմ սկսվի դա չի լինի ”92-”94 թվականներ պես, դա կլինի ՄՍԱՂԱՑ քասզի հիմա թէ’ Ազերիները, թէ’ Հայերը ունեն ահռելի թվով հրետանի, իսկ դա մսաղացի բուն է…

21 11 2008
Ararat

@Daniel

Voch ete erku koxmern el unen ahreli qanakutyamb zenq, ev unen razmakan mec patrastvacutyun, apa paterazm erbeq chi lini. Qani vor voch mi koxm@ risk chi ani. Isk ete Adrbejan@ imanar vor menq tuyl enq vaxuc kerel er mez.

Ay hima iranq porcum en tulacnel Hayastan@ vor uten, taracelov hakarusakan
provakacianer, inchpes naev hakaserjakan , te ibr Serj@ uzum e handznel Xarabax@. Vorovhetev erkir@ ete paraktvum e ayn misht tuyl e.

21 11 2008
Դանիել

Էհ, Արարատ, Արարատ… Ինչ մասնագետ ես?
Ուզում ես քեզ 50 փորցագետի կարծիք ուղարկեմ ՀՀ, ԼՂՀ և ԱՀ ԶՈւ մարտունակության վերաբերյալ?

Այստեղ ճիշտ է ասել, Я про ивана, ты про балвана! Ես քեզ փաս եմ բերում, դու Սերժից ես խոսում, ես պատերազմից եմ խոսում, դու` ուտելուց:

22 11 2008
ann

Գնա, գնա Արարատ ջան, մի քիչ էլ Հայլուր լսի՝ կարգին կուրախանաս տո՚։

24 11 2008
Ararat

@ann

Exav ann jan . Du el baci HHsh-akannerix urish karciq hankarc chlses.

25 11 2008
Ararat

@Daniel

Ete du uzum es uxarkel inch vor mi texic kardacac stahot texekutyunner, uzum em qez asel vor es etqan@ arden tesel em carayeluc. Isk mnacac@ inch el vor asum em pro Ivana i pro balvana et erkus@ irar het kapvac en.

15 03 2009

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s




%d bloggers like this: